टीम महाराष्ट्र देशा : इंदापूरच्या जागेबाबत राष्ट्रवादी काँग्रेसचे अध्यक्ष शरद पवार यांच्या सकारात्मक चर्चा झाली आहे. मात्र हर्षवर्धन पाटील ‘नॉट रिचेबल’ असल्यामुळे संपर्क होऊ शकत नाही. परंतु आता काय करायचं ते हर्षवर्धन पाटील यांनी ठरवायचे आहे. मी सकाळपासून हर्षवर्धन यांना फोन करतोय पण मोबाईल बंद येतोय, असे म्हणत माजी प्रदेशाध्यक्ष अशोक चव्हाण यांनी इंदापूरच्या जागेबाबत प्रतिक्रिया दिली आहे.
इंदापूर विधानसभा मतदारसंघाच्या उमेदवारीवरून कॉंग्रेस आघाडीत कलगीतुरा रंगलेला असतानाचं कॉंग्रेस नेते आणि माजी सहकार मंत्री हर्षवर्धन पाटील यांनी भाजपात प्रवेश करण्याची तयारी केली आहे. इंदापूरच्या जागेवर कॉंग्रेस आणि राष्ट्रवादी कॉंग्रेस या दोन्ही पक्षांनी हक्क सांगितला आहे. मात्र राष्ट्रवादी कॉंग्रेस ही जागा आपल्याकडेचं ठेवणार असल्याची शक्यता अधिक असल्याने कॉंग्रेस नेते हर्षवर्धन पाटील भाजपच्या मार्गावर आहेत. मात्र या बाबत माजी प्रदेशाध्यक्ष अशोक चव्हाण यांनी उलट प्रतिक्रिया दिली आहे.
दरम्यान हर्षवर्धन पाटील यांनी बुधवारी कार्यकर्त्यांचा भव्य मेळावा घेत पक्ष प्रवेशाबाबत कौल घेतला आहे. तसेच सभेनेही त्यांना भाजपमध्ये जाण्याचा कौल दिला आहे. त्यांनीही हा कौल मान्य करून भाजपमध्ये जाण्याचे संकेत दिले. तसेच, येत्या मंगळवारी निर्णय घेण्याची घोषणा त्यांनी केली आहे. तर दुसरीकडे हर्षवर्धन पाटील यांच्या मेळाव्यानंतर काँग्रेस हायकमांड धास्तावले आहे. तर इंदापूरच्या जागेसाठी हालचाली सुरु केल्या आहेत.
- निवडणुकीच्या तोंडावर मराठा क्रांती ठोक मोर्चा राज्य सरकारला धरणार धारेवर
- कॉंग्रेस नेत्यांच्या जाण्याने कार्यकर्ते खुश, साखर वाटून करणार आनंदोत्सव
- जागावाटपावरून वंचित आघाडीत मिठाचा खडा ? एमआयएम आणि भारिपमध्ये मतभेद
- आजवर चांगुलपणा बघितला, आता आक्रमकपणा बघा, हर्षवर्धन पाटलांचं राष्ट्रवादीला खुल आव्हान
बातम्यांसाठी YouTube चॅनेल Subscribe करा
Subscribe Now
