Winter Session 2022 | “…तर नाक दाबून तोंड उघडू” ; अमोल मिटकरी यांचा सरकारला इशारा

🕒 1 min read

Winter Session 2022 | नागपूर : राज्य सरकारमधील वन मंत्री सुधीर मुनगंटीवार ज्या मतदारसंघाचे प्रतिनिधीत्व करतात त्या भागातील दहा शेतकऱ्यांची वाघ किंवा बिबट्याने दुर्दैवी शिकार केली. या मुद्याला धरून राष्ट्रवादी काँग्रेस पक्षाचे विधान परिषद आमदार अमोल मिटकरी यांनी राज्य सरकारवर निशाणा साधला. वन मंत्र्यांच्या मतदारसंघात शेतकऱ्यांना वाघ खात असतील तर त्यावर सभागृहात कोणीतीही चर्चा अथवा ठोस उपाययोजना होत नसतील आणि केवळ आझादी का अमृतमहोत्सव बोलत तोंडाची वाफ घालवण्याचा प्रकार सुरु आहे, अशी टीका मिटकरी यांनी केली.

सत्ताधारी पक्ष केवळ वेळ काढूपणाचे काम करत आहे. त्यांना शेतकऱ्यांविषयी काही देणघेणं नसल्यामुळे अशा सरकारचा धिक्कार आहे असे ते म्हणाले. शिवाय विदर्भाच्या शेतकऱ्यांच्या प्रश्नावर जर सभागृहात बोलू देत नसतील तर त्यांचे नाक दाबून तोंड उघडल्याशिवाय आम्ही शांत बसणार नाही, असा इशारा त्यांनी सत्ताधाऱ्यांना केला.

काल देखील अमोल मिटकरी यांनी सभागृहात विदर्भातील शेतकऱ्यांचा मुद्दा उपस्थित केला होता. राज्याचे हिवाळी अधिवेशन नागपूर येथे सुरू असताना, या भागातील संत्री पिकावर कोळशी या रोगाचा प्रादुर्भाव झाल्याने शेतकरी अडचणीत आला आहे. विदर्भात अधिवेशन सुरू असताना या भागातील शेतकऱ्यांना न्याय मिळेल का, असा सवाल  अमोल मिटकरी यांनी लक्षवेधीच्या माध्यमातून उपस्थित केला होता.

विदर्भातील नागपूर आणि अमरावती जिल्हे संत्र्यासाठी प्रसिद्ध आहेत. संबंधित मंत्र्यांनी दिलेले उत्तर हे समाधानकारक मिळालेले नाही, याबद्दल मिटकरी यांनी संत तुकडोजी महाराज यांच्या ओळींचा दाखला देत राज्य सरकारचे कान टोचले.

महत्वाच्या बातम्या : 

• IPL Auction 2023 | सॅम करन ठरला IPL च्या इतिहासातील सर्वात महागडा खेळाडू , ‘या’ संघाकडून खेळणार
• IPL Auction 2023 | अजिंक्य रहाणेला मिळाले द्विशतक झळकावण्याचे बक्षीस, एमएस धोनीच्या CSK ने घेतले विकत
• IPL Auction 2023 | हॅरी ब्रूकवर पडला पैशांचा पाऊस, सनरायझर्स हैदराबादने 13.25 कोटींना केले खरेदी
• IPL Auction 2023 | केन विल्यमस SOLD OUT, ‘या’ संघातून करणार पदार्पण
• Winter Session 2022 | सीमावादावर कर्नाटकपेक्षा १० पट प्रभावी प्रस्ताव सोमवारी मांडू ; शंभूराज देसाई यांची माहिती