बडतर्फीची कारवाई अधिक तीव्र करणार; अनिल परब यांचा इशारा

🕒 1 min read

मुंबई : परिवहन मंत्री अनिल परब (Anil Parab) यांनी एसटी कर्मचाऱ्यांना वारंवार आवाहन करुनही एसटी कर्मचारी अद्यापही कामावर रुजू होत नाहीत. अनिल परब यांनी अनेकदा अल्टिमेटम दिला होता. मात्र तरीही एसटी कर्मचारी कामावर हजर होत नसल्याने कर्मचाऱ्यांना पुन्हा एकदा इशारा दिला आहे.

एसटी कामगारांचे जसे आमच्यावर दायित्व आहे. तसंच जनतेचंही दायित्व आमच्यावर आहे. त्यामुळे एसटी कामगारांनी आणखी ताणून धरू नये. त्यांनी कामावर हजर व्हावे. 2 महिन्याचा पगार मिळाला नाही तर एसटी कामगारांचेच नुकसान होणार आहे. कोण्या नेत्याचे नुकसान होणार नाही, असे सांगतानाच बडतर्फीची कारवाई सुरू झाली असून ही कारवाई अधिक तीव्र करण्यात येणार आहे, असा इशारा मंत्री अनिल परब यांनी दिला आहे.

कर्मचाऱ्यांना 41 टक्के पगारवाढ दिली आहे. ताणून धरू नका. एका शब्दावर आडून बसू नका. बडतर्फीची कारवाई सुरू झाली आहे. आता एसटी विरोधातील कारवाई तीव्र करावी लागेल. जनतेलाही उत्तर द्यायचे आहे. एसटी ही अत्यावश्यक सेवेत आहे. त्यामुळे कामावर हजर रहा, असे अनिल परब म्हणाले आहेत.

दरम्यान, अनिल परब यांनी अनेकदा कारवाई करण्याचा इशारा देऊनही कर्मचारी संपावर ठाम आहेत. त्यानंतर कारवाई देखील करण्यात आली. आता अनिल परब यांनी एसटी कर्मचाऱ्यांना कामावर हजर राहण्याचे आवाहन केले आहे. तसेच कारवाईचा इशाराही दिला आहे. एसटी कर्मचारी कामावर हजर राहतील का? हे पाहणे महत्वाचे ठरणार आहे.

महत्त्वाच्या बातम्या

• “लोकशाहीच्या परंपरेचं पालन राज्यकर्ते करतीलच पण राज्यपाल…”
• ‘माझ्या हत्येचा कट, यात जयंत पाटील, पोलीस अधिकारीही सामिल’
• सलमान खानला फार्महाऊसवर सर्पदंश; एमजीएम रुग्णालयात उपचार सुरु
• “नवाब मलिकांची भूमिका संघासारखी”, प्रकाश आंबेडकरांची टीका
• “मातीसाठी राबणाऱ्या माणसाची माती केलीय या सरकारने”, सदाभाऊंचा हल्लाबोल