जाऊ द्या ना ताई, अशा ट्रकभर एसआयटी चौकशा कराव्या लागतील ; शेलारांचा पलटवार !

नवी मुंबई : विधानसभा निवडणुकीच्या तोंडावर राष्ट्रवादी कॉंग्रेस पक्षाशी फारकत घेत भाजपवासी झालेल्या गणेश नाईक यांचा राष्ट्रवादी कॉंग्रेस पक्षाच्या खासदार सुप्रिया सुळे यांनी काल खरपूस समाचार घेतला आहे. ‘इंटरनॅशनल डॉनसोबत संबंध असतील तर, गणेश नाईक यांची एसआयटी चौकशी करा’, अशी मागणी करतानाच याबाबत आपण केंद्रीय गृहमंत्री अमित शहा यांना पत्र लिहिणार’, आहे असंही सुप्रिया सुळे म्हणाल्या.

‘कोणत्याही प्रकारच्या गुंडगिरीला घाबरू नका. कुणी गुंडगिरी करत असल्यास रात्री अपरात्री कधीही मला फोन करा. केवळ इथलेच नाहीत तर इंटरनॅशनल डॉनसुद्धा मला ओळखतात. म्हणून घाबरण्याचं काही कारण नाही’, असे विधान गणेश नाईक यांनी तुर्भे येथे एका कार्यक्रमात केले होते. त्याच पार्श्वभूमीवर सुप्रिया सुळे यांनी गणेश नाईक यांच्यावर निशाणा साधला आहे.

दरम्यान, यावर भाजप नेते आशिष शेलार यांनी भाष्य केले आहे. ‘आझाद काश्मीरपासून ते पूजा चव्हाण प्रकरणापर्यंत अनेक विषय आहेत. अशा ट्रकभर चौकशा कराव्या लागतील, जाऊ द्या ना ताई,’ असं म्हणंत आशिष शेलार यांनी पलटवार केला आहे.

‘गणेश नाईक यांनी भाषणातील विधानाची एसआयटी चौकशी करायची तर मग, तसे बरेच विषय आहेत. आझाद काश्मीरचा बोर्डवाली मेहक प्रभू, शर्जिल, त्याला पळून जायला मदत करणारे..पुजा चव्हाणचा मृत्यू..अशा ट्रकभर एसआयटी चौकशा कराव्या लागतील. जाऊ द्या ना ताई! नवी मुंबईत भाजप जिंकणार हे जनतेनेच ठरवलंय!’ अशा आशयाचे ट्वीट करता शेलारांनी सुप्रिया सुळे यांना प्रत्युत्तर दिले आहे.

महत्वाच्या बातम्या 

• मित्रानेच दारू पाजून केला खून; लखन सोनवणेच्या मृत्यूचे रहस्य उलगडले
• कळमनुरीच्या ‘त्या’ कुक्कुटपालन केंद्रातील कोंबड्यांचा मृत्यू ‘बर्ड फ्लू’नेच
• अमिताभ बच्चन यांच्या झुंड’ चित्रपटाविरोधात नाना पटोलेंचा आक्रमक पवित्रा
• प्रेयसीला भेटायला जायचे म्हणून पठ्ठ्याने चोरली दुचाकी; सेलू येथील घटना
• पूजाने संजय राठोड यांच्यामार्फत भावाला वन खात्यात नोकरीला लावले ?