🕒 1 min read
बीड : जुन्या भांडणाच्या कारणावरून एका वृद्धाचे अपहरण करून बांधून बेदम मारहाण करण्यात आल्याची घटना अंबाजोगाई तालुक्यातील दरडवाडी, हाडबेवाडी शिवारात ३ फेब्रुवारी रोजी घडली. या प्रकरणी बर्दापूर पोलीस ठाण्यात ८ जणांविरोधात गुन्हा दाखल झाला आहे.
पोलिसांनी दिलेल्या माहितीनूसार, मंचक रामराव दराडे (७० रा. दरडवाडी ता. अंबाजोगाई) असे मारहाण झालेल्या वृद्धाचे नाव आहे. दराडे हे ३ फेब्रुवारी रोजी दुपारी २ च्या दरम्यान हाडबेवाडी पाटी येथे रस्त्यावर थांबले होते. यावेळी जुन्या वादाच्या कारणातून आणि दवाखान्यात झालेला १२ लाखांचा खर्च दे किंवा तुझ्या नावावरील जमीन आमच्या नावावर करून दे असे म्हणत सिद्धेश्वर दराडे व इतरांनी त्यांचे पीकअपमधून (एमएच ४४ यू १०१४) अपहरण करून त्यांना दरडवाडी येथे आणले. सिद्धेश्वर दराडे यांच्या घरासमोरील विजेच्या खांबाला बांधून ठेवून जबर मारहाण केली. जिवे मारण्याच्या धमक्या दिल्या.
या प्रकरणी सिद्धेश्वर बालाजी दराडे, महादेव बालाजी दराडे, शिवाजी बाबूराव दराडे, अर्चना सिद्धेश्वर दराडे, उषा महादेव दराडे, कौशल्या बालाजी दराडे (सर्व रा. दरडवाडी ) आणि प्रल्हाद ऊर्फ प्रदीप कांगणे, ज्ञानेश्वर रामदास चाटे (रा. खापरटोन ता. अंबाजोगाई) यांच्या विरोधात गुन्हा नोंद करण्यात आला.
महत्वाच्या बातम्या
- अमित शाहांनी अभ्यास करून बोलायला हवं होतं; हसन मुश्रीफांचा घणाघात
- ‘गेली तीन दशके पवार साहेब चार खासदारांच्या बळावर पंतप्रधान पदाची स्वप्न बघत आहे’
- मुख्यमंत्रीपदाबाबत दिलेल्या वचनाच्या वादात नेमकं खोटं कोण बोलत आहे ?
- ‘न्यायव्यवस्थेतील वातावरण शंका-कुशंका घेण्याच्या पलीकडे पोहोचले आहे’
- दिल्ली सरकारच्या या योजनेमुळे ईलेक्ट्रिक टू-व्हिलर वापरल्यास 22 हजारांची होणार बचत
