🕒 1 min read
कोल्हापूर : भाजप नेते नारायण राणे यांचा ड्रिम प्रोजेक्ट असलेल्या मेडिकल कॉलेजचं काल सिंधुदुर्गात उद्घाटन करण्यात आलं. नारायण राणे यांनी उभारलेल्या लाईफटाईम हॉस्पिटलचं लोकार्पण केंद्रीय गृहमंत्री अमित शाह यांच्या हस्ते करण्यात आलं. यावेळी, अमित शाह यांनी महाविकास आघाडीसह मुख्यमंत्री उद्धव ठाकरे यांच्यावर देखील घणाघात केला होता.
आता ग्रामविकास मंत्री हसन मुश्रीफ यांनी अमित शाह यांना जोरदार प्रत्युत्तर दिलं आहे. ‘त्यांनी महाविकास आघाडीवर वैफल्य मनस्थितीमुळे टीका केली आहे. भारतीय जनता पक्ष पुन्हा सत्तेत येणार नाही, हे समजल्यामुळेच त्यांनी आता तक्रारी सुरु केल्या आहेत,’ अशी टीका हसन मुश्रीफ यांनी केली. अमित शाह यांनी भाजपच्या कारखानदारांना सरकारकडून त्रास दिला जात आहे असा आरोप केला होता.
हा आरोप मुश्रीफांनी खोडून काढला आहे. ‘कारखानदारांना त्रास दिला जातो हा आरोप पूर्णपणे चुकीचा आहे. त्यांनी अभ्यास करून बोलायला हवं होतं. त्यांना अपूर्ण माहिती मिळाली आहे. सरकारने सगळ्याच कारखानदारांना थक हमी दिली आहे. कोणतीही गटबाजी केलेली नाही. भाजपच्या एका तरी कारखानदाराने सांगावं की त्यांना त्रास दिला जातो, आम्ही कोणतीही शिक्षा भोगायला तयार आहोत.’ असं मुश्रीफ म्हणाले आहेत.
महत्वाच्या बातम्या
- ‘पवारांचा जन्मच पंतप्रधान पदाचे स्वप्न पाहण्यात जाणार ही मात्र काळ्या दगडावरची पांढरी रेघ’
- ‘गेली तीन दशके पवार साहेब चार खासदारांच्या बळावर पंतप्रधान पदाची स्वप्न बघत आहे’
- मुख्यमंत्रीपदाबाबत दिलेल्या वचनाच्या वादात नेमकं खोटं कोण बोलत आहे ?
- ‘न्यायव्यवस्थेतील वातावरण शंका-कुशंका घेण्याच्या पलीकडे पोहोचले आहे’
- दिल्ली सरकारच्या या योजनेमुळे ईलेक्ट्रिक टू-व्हिलर वापरल्यास 22 हजारांची होणार बचत
