🕒 1 min read
मुंबई : इंग्लंड क्रिकेटच्या इतिहासात भारतीय फलंदाज चेतेश्वर पुजाराने एक विशेष कामगिरी आपल्या नावावर केली आहे. मंगळवारी ससेक्स संघासाठी प्रथमच कर्णधारपद सांभाळणाऱ्या पुजाराने सामन्याच्या दुसऱ्या दिवशी द्विशतक झळकावले. काउंटी चॅम्पियनशिपमधील पुजाराचे हे तिसरे द्विशतक ठरले आहे. या शानदार खेळीमुळे पहिल्या डावात पुजराच्या नेतृत्वातील ससेक्स संघाने ५२३ धावा केल्या.
मिडलसेक्सविरुद्ध खेळणाऱ्या ससेक्स संघाने सामन्याच्या दुसऱ्या दिवशी ४ बाद ३२८ धावांवर खेळण्यास सुरुवात केली. एका बाजूने गडी बाद होत राहिले पण एका बाजूने पुजाराने आपली खेळी सुरू ठेवली. ३६८ चेंडूंचा सामना केल्यानंतर त्याने १९ चौकार आणि २ षटकारांच्या मदतीने आपले द्विशतक पूर्ण केले. पुजाराने ४०३ चेंडूंचा सामना करताना २१ चौकार आणि ३ षटकारांच्या मदतीने २३१ धावा ठोकल्या.
११८ वर्षांचा इतिहास बदलला
ससेक्स संघाच्या इतिहासात ११८ वर्षात एकाच मोसमात तीन द्विशतके झळकावणारा पुजारा पहिला फलंदाज ठरला आहे. भारतीय संघ इंग्लंड दौऱ्यावर येण्यापूर्वी पुजाराने दोन द्विशतके झळकावली होती. डर्बीशायरविरुद्ध त्याने ३७८ चेंडूत २०१ धावा केल्या होत्या. यानंतर डरहमविरुद्ध ३३४ चेंडूत २०३ धावा केल्या होत्या. त्यानंतर आता मिडलसेक्ससोबत खेळताना २३१ धावांची खेळी खेळली.
Out onto the balcony to stand and applaud a fantastic innings. ????@cheteshwar1 ???????? pic.twitter.com/2hmvm9wMz4
— (C) Sussex Cricket ???? (@SussexCCC) July 20, 2022
पुजाराची दमदार कामगिरी
या काउंटी चॅम्पियनशिपमध्ये ससेक्सकडून खेळताना पुजाराने या मोसमात पाच शतके झळकावली आहेत. यातून त्याने तीनवेळा आपल्या शतकाचे द्विशतकात रूपांतर केले आहे. तर एक वेळा १७० धावा केल्या होत्या, ही त्याची नाबाद खेळी होती. आतापर्यंत पुजाराने ७ सामन्यांच्या १० डावांमध्ये १२४ च्या अतुलनीय सरासरीने एकूण ९९७ धावा केल्या आहेत.
महत्वाच्या बातम्या :
- Nana Patole : महाविकास आघाडीने OBC आरक्षणासाठी प्रयत्न केला, त्याचं हे यश आहे – नाना पटोले
- Shivaji Adahrao Patil : पुढील 15 दिवसात अख्खी शिवसेना आमच्यासोबत येणार; आढळराव पाटलांचं सर्वात मोठं विधान
- Riteish Deshmukh | वडील मुख्यमंत्री असताना मी सेक्स कॉमेडीमध्ये काम केलं- रितेश देशमुख
- IND vs WI : पहिल्या एकदिवसीय सामन्यावर पावसाचे सावट, खेळाडूंना ‘असा’ करावा लागला सराव; पाहा VIDEO!
- Nitesh Rane : “राज्यावर धर्मांतर विरोधी कायदा आणण्याची वेळ…”, नितेश राणेंचे सूचक ट्वीट
बातम्यांसाठी YouTube चॅनेल Subscribe करा
Subscribe Now
