नवी दिल्ली : उद्धव ठाकरेंच्या घराबाहेर हनुमान चालीसा वाचल्यामुळे चर्चेत आलेल्या अमरावतीचे अपक्ष खासदार नवनीत राणा यांच्या सुरक्षा व्यवस्थेबाबत सीआयएसएफने अहवाल तयार केला आहे. सूत्रांकडून मिळालेल्या माहितीनुसार, याबाबतचा अहवाल गृह मंत्रालयाला देण्यात आला आहे. CISF ने मुंबईतील नवनीत राणा दाम्पत्याच्या घरातील सुरक्षेतील त्रुटींबद्दल गृहमंत्रालयाकडे चिंता व्यक्त केली.
CISF ने नवनीत राणा सुरक्षेबाबत गृह मंत्रालयाला माहिती दिली आहे. सध्या CISF नवनीत राणा यांना Y श्रेणीची सुरक्षा देत आहे. सूत्रांनी दिलेल्या माहितीनुसार, सीआयएसएफने गृह मंत्रालयाला नवनीत राणा यांच्यासह महाराष्ट्रातील 6 व्हीआयपींच्या सुरक्षेचा आढावा घेण्याची विनंती केली आहे.
आरोपपत्र दाखल
सरकारी कामात अडथळा आणल्याप्रकरणी पोलिसांनी नवनीत राणा आणि रवी राणा यांच्यावर गुन्हा दाखल करून ८५ पानांचे आरोपपत्र दाखल केले आहे. नवनीत राणा आणि रवी राणा यांना 16 जून रोजी न्यायालयात हजर राहावे लागणार आहे. याप्रकरणी पोलिसांनी एकूण 23 जणांचे जबाब नोंदवलेले नाहीत.
महत्वाच्या बातम्या :
