Amit Shah | “राहुल बाबा परदेशी टी-शर्ट घालून…” ; अमित शहा यांचा हल्लाबोल

🕒 1 min read

जोधपूर : केंद्रीय गृहमंत्री अमित शहा यांनी काँग्रेस नेते राहुल गांधी यांच्या ‘भारत जोडो यात्रे’चा खरपूस समाचार घेतला. त्यांनी आधी भारताचा इतिहास वाचावा, असे शहा यांनी म्हटले आहे. शहा यांनी राजस्थानमधील गेहलोत सरकारवर व्होट बँक आणि तुष्टीकरणाचे धोरण अवलंबल्याचा आरोप केला. येथील रावण चबुतरा मैदानावर भाजप बुथ कार्यकर्ता संकल्प महासंमेलनाला अमित शहा संबोधित करत होते.

राहुल गांधींच्या ‘भारत जोडो यात्रे’चा उल्लेख करताना ते म्हणाले की, “आत्ताच राहुलबाबा भारत जोडो यात्रेला निघाले आहेत. परदेशी टी-शर्ट घालून ते भारताला जोडण्यासाठी निघाले आहेत. मी राहुल बाबा यांनी संसदेत दिलेल्या एका भाषणाची काँग्रेसजनांना आठवण करून देतो. भारत हे राष्ट्र नाही, असे राहुल गांधी म्हणाले होते. राहुलबाबा, हे कोणत्या पुस्तकात वाचले आहे? हे ते राष्ट्र आहे ज्यासाठी लाखो लोकांनी बलिदान दिले आहे.”

राहुल गांधींनी भारताचा इतिहास वाचण्याची गरज-

अमित शाह म्हणाले की, राहुल गांधी भारताला जोडण्यासाठी बाहेर पडले आहेत, मला वाटते त्यांनी भारताचा इतिहास वाचण्याची गरज आहे. अमित शहा यांनी कायदा आणि सुव्यवस्थेबाबत राजस्थानच्या अशोक गेहलोत सरकारवर देखील निशाणा साधला. ते म्हणाले की, गेहलोत सरकार विकासाची कामे करू शकत नाही, ते केवळ व्होट बँकेचे आणि तुष्टीकरणाचे राजकारण करू शकते.

#WATCH | "Rahul baba (Rahul Gandhi) is going on Bharat Jodo yatra wearing a foreign t-shirt… He needs to read India's history before going on the Yatra," says Union Home Minister Amit Shah addressing a BJP workers gathering in Jodhpur, Rajasthan pic.twitter.com/88SFN72fRb

— ANI (@ANI) September 10, 2022

काँग्रेस केवळ पोकळ आश्वासने देऊ शकते-

काँग्रेस सरकार विकासाची कामे करू शकत नाही. ते रस्ते बांधू शकत नाही, वीज देऊ शकत नाही, रोजगार देऊ शकत नाही. काँग्रेस व्होट बँकेचे तुष्टीकरण करूनच राजकारण करू शकते. काँग्रेस केवळ पोकळ आश्वासने देऊ शकते, ती आश्वासने पूर्ण करू शकत नाही, असे शहा म्हणाले.

महत्वाच्या बातम्या :

• Shivsena | शिवसेनेला पुन्हा धक्का! ‘हे’ आमदार करणार शिंदे गटात प्रवेश
• Vinod Tawde | विनोद तावडे यांच्यावर नितीशकुमारांचे चक्रव्यूह आणि महागठबंधन फोडण्याची जबाबदारी
• Nitesh Rane | “जसे उद्धव ठाकरे तशाच किशोरी पेडणेकर”; नितेश राणेंचा हल्लाबोल
• Nitesh Rane | देवेंद्र फडणवीस हिंदुहृदयसम्राट! नितेश राणेंचे उद्गार, शिवसेनेवर सोडले टीकास्त्र
• Kishori Pednekar | पेडणेकरांचा गौप्यस्फोट! फडणवीस, चंदक्रांत पाटील आणि राज्यपालांचे रऊफ मेमनसोबत फोटो केले पोस्ट