नवी दिल्ली : मनोरंजन विश्वातून आणखी एक वाईट बातमी समोर आली आहे. बीआर चोप्रा यांच्या महाभारतात भीमाची भूमिका करणारे अभिनेते प्रवीण कुमार सोबती यांचे निधन झाले आहे. वयाच्या ७४ व्या वर्षी त्यांनी या जगाचा निरोप घेतला. प्रवीण कुमार सोबती दीर्घकाळापासून आजारपणा आणि आर्थिक संकटाशी झुंज देत होते, असे सांगण्यात येत आहे. त्यांनी आपल्या मजबूत शरीराच्या जोरावर खेळाडू म्हणून आपल्या कारकिर्दीला सुरुवात केली होती.
खेळाडू म्हणून कारकिर्दीला सुरुवात केल्यानंतर प्रवीण कुमार सोबती बॉलिवूडकडे वळले. त्यांनी अनेक चित्रपटांमध्ये खलनायकाच्या भूमिका केल्या, पण बीआर चोप्राच्या ‘महाभारत’ने त्यांना सर्वाधिक ओळख दिली. ज्यात त्यांनी भीमाची भूमिका साकारली होती. या व्यक्तिरेखेने त्यांना घरोघरी प्रसिद्धी दिली. प्रवीण कुमार सोबती यांना त्यांच्या मजबूत शरीरामुळे भीमाच्या भूमिकेत चांगलीच पसंती मिळाली होती.
प्रवीण कुमार सोबती यांनी आपल्या अभिनय कारकिर्दीत अमिताभ बच्चन, जितेंद्र यांसारख्या सुपरस्टार्ससोबतही काम केले आहे. त्यांनी १९८१ मध्ये ‘रक्षा’ चित्रपटातून आपल्या फिल्मी करिअरला सुरुवात केली. १९८१ मध्येच आलेल्या ‘मेरी आवाज सुनो’मध्ये प्रवीण कुमार सोबतीही महत्त्वाच्या भूमिकेत दिसले होते. या चित्रपटांमध्ये त्यांनी जितेंद्रसोबत काम केले. त्यानंतर ते अमिताभ बच्चन यांच्या ‘शहेनशाह’ या सुपरहिट चित्रपटातही दिसले. याशिवाय चाचा चौधरी या मालिकेत ते साबूच्या भूमिकेत दिसले होते.
महत्वाच्या बातम्या :
- ऐतिहासिक पाकिस्तान दौऱ्यासाठी ऑस्ट्रेलिया संघाची घोषणा; अनेक मोठे खेळाडू यादीत
- वर्ल्डकप संघात निवड न झाल्याने “ही” महिला क्रिकेटर आता खेळणार हॉकी
- “शिवाजी पार्कला स्मशानभूमीमध्ये…”, लतादीदींच्या स्मारकाच्या वादावर आंबेडकरांची प्रतिक्रिया
- “तुमच्या राजकारणासाठी त्याचा बळी…”, लता मंगेशकरांच्या स्मारकावरुन मनसेची प्रतिक्रिया
- “…हे लता मंगेशकर जिवंत असताना विचारायला हवं होतं”, प्रकाश आंबेडकरांचे मोठे वक्तव्य
बातम्यांसाठी YouTube चॅनेल Subscribe करा
Subscribe Now
