‘इतरांना दहा वेळा मुख्यमंत्रिपद मिळाले, वंचित समाजाला दोनदा तरी संधी द्यावी’, वडेट्टीवारांची भूमिका

🕒 1 min read

बीड : बीड शहरातील यशवंतराव चव्हाण नाट्यगृहात आरक्षण बचाव निर्धार मेळावा पार पडला. हा मेळावा राष्ट्रीय ओबीसी महासंघाचे राष्ट्रीय अध्यक्ष डॉ. बबनराव तायवाडे यांच्या अध्यक्षतेत झाला. यावेळी राज्याचे मदत व पुनर्वसन मंत्री विजय वडेट्टीवार यांची प्रमुख उपस्थिती होती.

या कार्यक्रमात बोलताना मंत्री वडेट्टीवार यांनी वंचित समाजाला सत्तेतील महत्त्वाच्या पदापासून वंचित ठेवत असल्याची भावना व्यक्त केली. ते म्हणाले, ‘जे वंचित आहेत त्यांनाच वंचितांच्या वेदना माहिती आहेत. सध्या गृहीत धरले जात असल्याने ओबीसींना ताकद दाखवावी लागणार आहे. इतर समाजाला दहा वेळा मुख्यमंत्री पदाची संधी दिली जातेय. भटक्या विमुक्तांच्या समाजाला किमान दोन वेळा तरी मुख्यमंत्रिपदाची संधी द्यावी. जेणेकरुन त्यांचे प्रश्न त्यांना सोडविता येईल अशी भूमिका त्यांनी मांडली.

तसेच, ‘अनेकजण सत्तेत येण्यासाठी ओबीसींचा आधार घेतात; पण मला आयुष्यात काही स्वत:साठी मिळवायचं नाही. मी आधी सत्तेत आहे आणि या सत्तेचा वापर ओबीसींच्या न्याय हक्कासाठी करीत आहे. ते म्हणाले, १२७ वी घटनादुरुस्ती केली, पण आरक्षणाची मर्यादा ५० टक्क्यांपर्यंतच ठेवली. त्यामुळे ओबीसींमध्ये इतरांना सामावून घेऊन आरक्षण देता येणार नाही. मंडळ आयोग हिंदूविरोधी असल्याचे सांगितले गेले व आपसात लढण्यात वेळ गेला. यातून काय साध्य झाले, वंचित, उपेक्षित घटकांतील लोकांच्या न्याय्य-हक्कांसाठी लढण्यासाठी आपण पहाड बनून उभे राहू’, अशी ग्वाही त्यांनी दिली.

‘ओबीसी, व्हीजेएनटी समाजातील समाजातील लोक आजही गुलामगिरीचे जीवन जगत आहेत. ओबीसी समाजाचा बुलंद आवाज दिवंगत गोपीनाथराव मुंडे असोत की, मंत्री छगनराव भुजबळ असोत त्यांच्यापासून ते सर्वसामान्य ओबीसी समाजातील नागरिकांपर्यंत संघर्ष सुरूच आहे.  या लढ्यामध्ये आता ओबीसी समाजबांधवांनी जागरूक होऊन आपल्या हक्काच्या आरक्षणासाठी रस्त्यावर उतरणे आवश्यक आहे. असल्याचे मंत्री वडेट्टीवार यांनी स्पष्ट केले.

महत्त्वाच्या बातम्या

• महाराष्ट्रातील पोलीस खात्याला गृहमंत्र्यांनी वेगळे काही काम दिले आहे का?’, भाजपाचा सवाल
• ‘आदित्यला लग्नासाठी मुलगीही मोदी सरकारने द्यावी, वऱ्हाडींचा खर्चही उचलावा’, निलेश राणेंचा खोचक टोला
• काँग्रेसच्या नेत्याकडून चक्क भाजप उमेदवाराचा प्रचार, काँग्रेसमध्ये खळबळ
• …नाहीतर भाजपसारख्या पक्षांचे अंगवस्त्र म्हणूनच ओवैसींकडे पाहिलं जाईल- संजय राऊत
• मुस्लिमांची अवस्था वरातीतल्या ‘बँड बाजा पार्टी’सारखी- असदुद्दीन ओवैसी