Gujarat Election Results 2022 | नवी दिल्ली : गुजरात विधानसभा निवडणुकीची मतमोजणी सुरू आहे. निकालांमध्ये भाजपने स्वतःचाच विक्रम मोडला आहे. भाजप 158, काँग्रेस 16, आप 5 आणि इतर 3 वर आघाडीवर आहेत. भाजपने शपथविधी सोहळ्याची तारीख देखील जाहीर केली आहे. 12 डिसेंबर रोजी दुपारी 2 वाजता हा सोहळा होणार आहे. देशभरात भाजप कार्यकर्ते जल्लोष करत आहेत. केंद्रीय मंत्री नितीन गडकरी यांनी या निकालावर पहिली प्रतिक्रिया दिली आहे.
नितीन गडकरी म्हणाले, “गुजरातमध्ये भाजपचा मोठा विजय हा गुजरातच्या जनतेच्या भाजप आणि पंतप्रधान मोदींवरील अतूट विश्वास आणि आपुलकीचा विजय आहे. भाजपने गुजरातमध्ये जे विकासाचे राजकारण केले, त्यावर जनतेने पुन्हा एकदा शिक्कामोर्तब केला आहे. या विश्वासाबद्दल गुजरातच्या जनतेचे लाख-लाख आभार. पंतप्रधान मोदी, भाजप अध्यक्ष जेपी नड्डा, गृहमंत्री अमित शहा, मुख्यमंत्री भूपेंद्रभाई पटेल, प्रदेशाध्यक्ष सीआर पाटील आणि सर्व पक्ष कार्यकर्त्यांचे हार्दिक अभिनंदन.”
गुजरातमध्ये 182 विधानसभा जागांसाठी 1 डिसेंबर आणि 5 डिसेंबर रोजी दोन टप्प्यात मतदान झाले. गुजरातमध्ये पारंपारिक प्रतिस्पर्धी भाजप आणि काँग्रेस व्यतिरिक्त आम आदमी पक्षाच्या (आप) जोरदार उपस्थितीमुळे यावेळी निवडणूक लढत तिरंगी झाली.
गुजरातमध्ये 27 वर्षांपासून भाजपची सत्ता आहे. यावेळी भाजप विक्रमी विजयासह सरकार स्थापन करणार असल्याचे दिसत आहे. 2002 च्या निवडणुकीत भाजपने गुजरातमध्ये 127 जागा जिंकल्या होत्या. दरम्यान हा आकडा 150 च्या जवळ पोहोचला आहे. 2002 मध्ये नरेंद्र मोदींनी दुसऱ्यांदा गुजरातचे मुख्यमंत्री म्हणून शपथ घेतली होती.
2017 च्या निवडणुकीबद्दल बोलायचे झाले तर एकूण 182 जागांपैकी भाजपने 99 जागा जिंकल्या होत्या. काँग्रेसला 77 जागा मिळाल्या होत्या. गुजरातमध्ये आतापर्यंत भाजपने 2002 मध्ये सर्वाधिक 127 जागा जिंकल्या होत्या. आता भाजप 150 पेक्षा जास्त जागा जिंकू शकतो असा दावा केला जात आहे.
महत्वाच्या बातम्या :
- Ravi Rana | “महाराष्ट्रात सुद्धा भाजप सत्तेत येईल” ; रवी राणा यांचा विश्वास
- Nana Patole | “गुजरातचा विजय लोकशाही पद्धतीने नाही”; नाना पटोले असं का म्हणाले?
- Skin Care Tips | ‘या’ पद्धतीने कच्चे दूध चेहऱ्यावर लावल्यास मिळू शकतात अनेक फायदे
- Gujarat Election Result | “राहुल गांधी देशाचे नेतृत्व होऊ शकत नाही” ; गुजरात निकालांवर बावनकुळेंची प्रतिक्रिया!
- Cyclone Mandous | ‘मंदोस’ चक्रीवादळाचा कोकण किनारपट्टीवर परिणाम, तर राज्यात ‘या’ ठिकाणी पावसाची शक्यता
बातम्यांसाठी YouTube चॅनेल Subscribe करा
Subscribe Now
