पंढरपूर: आषाढी एकादशीनिमित्त पंढरपूर येथील श्री विठ्ठल-रुक्मिणी मंदिरात प्रथेप्रमाणे आज पहाटे मुख्यमंत्री एकनाथ शिंदे यांच्या हस्ते सपत्नीक शासकीय महापूजा पार पडली. मुख्यमंत्री झाल्यानंतर एकनाथ शिंदे (CM Eknath Shinde) यांची ही पहिलीच महापूजा होती. असंख्य वारकऱ्यांच्या उपस्थितीत त्यांनी पत्नी लता यांच्यासह विठुरायाची महापूजा केली. मुख्यमंत्र्यांसोबत यंदा शेतकरी मुरली नवले आणि त्यांच्या पत्नी जिजाबाई नवले (Nawale farmer couple) यांना महापुजेचा मान मिळाला. गेल्या २० वर्षांपासून ते वारी करत आहे.
५२ वर्षीय शेतकरी मुरली बबन नवले आणि त्यांच्या पत्नी जिजाबाई नवले (४७) हे दाम्पत्य बीड जिल्ह्याच्या गेवराई तालुक्यातील रूई येथील रहिवासी असून १९८७ पासून हे दाम्पत्य न चुकता वारी करत आहेत. त्यांना यंदाचा ‘मानाचा वारकरी’ सन्मान प्राप्त झाला.
#आषाढीएकादशी निमित्त श्री क्षेत्र #पंढरपूर येथील श्री विठ्ठल-रुक्मिणीची मुख्यमंत्री @mieknathshinde यांच्या हस्ते सपत्नीक महापूजा करण्यात आली. pic.twitter.com/gkmCGgG4Hk
— MAHARASHTRA DGIPR (@MahaDGIPR) July 10, 2022
दरम्यान मानाच्या वारकऱ्यांना महाराष्ट्र राज्य परिवहन महामंडळाकडून कडून वर्षभरासाठी देण्यात येणाऱ्या मोफत एसटी पासचे वितरण मुख्यमंत्री एकनाथ शिंदे यांच्या हस्ते करण्यात आले. तसेच मुख्यमंत्री व मान्यवरांच्या हस्ते ‘रिंगण’ या वारी विशेषांकाचे प्रकाशन करण्यात आले.
महत्वाच्या बातम्या:
- CM Eknath Shinde : पंढरपूरच्या विकासासाठी विशेष आराखडा तयार करणार; मुख्यमंत्र्यांची ग्वाही
- Dhanashree Kadgaonkar : “इथे आलं की…”, धनश्री काडगावकरची कोल्हापूरकरांसाठी खास पोस्ट
- CM Eknath Shinde : “लवकरच उद्धव ठाकरेंना भेटणार”, महापुजेनंतर मुख्यमंत्री एकनाथ शिंदेंचे वक्तव्य
- CM Eknath Shinde : आषाढी एकादशीनिमित्त नवनिर्वाचित मुख्यमंत्री एकनाथ शिंदेंच्या हस्ते पंढरपुरात महापूजा
- CM Eknath Shinde : कोणताही जल्लोष साजरा करू नका, अमरनाथ यात्रेला गेलेल्या पुण्यातल्या दोघांचा मृत्यू झाला आहे – एकनाथ शिंदे
