मुंबई : भारतीय क्रिकेट संघाचा उपकर्णधार केएल राहुलच्या दुखापतीवर जर्मनीत शस्त्रक्रिया करण्यात आली आहे. या दुखापतीमुळे केएल राहुल इंग्लंड दौऱ्यावर जाऊ शकलेला नाही. राहुलने आपल्या शस्त्रक्रियेची माहिती सोशल मीडियावर शेअर केली आहे. त्याची आयपीएल फ्रेंचायझी लखनऊ सुपर जायंट्सने इंस्टाग्रामवर एक पोस्ट शेअर केली आहे.
मीडिया रिपोर्ट्सनुसार, केएल राहुल एक महिना जर्मनीमध्ये राहणार आहे. भारताच्या आगामी वेस्ट इंडिज दौऱ्यासाठी तो संघात निवडीसाठी उपलब्ध होऊ शकतो. इंग्लंड दौऱ्यानंतर भारताला वेस्ट इंडिजविरुद्ध ३ वनडे आणि ५ टी-२० मालिका खेळायची आहेत. तोपर्यंत राहुल बरा होण्याची अपेक्षा आहे. राहुल हा टी-२० विश्वचषकातील भारतीय मोहिमेतील महत्त्वाचा खेळाडू आहे.
Appreciation post for the one and only, @klrahul ✨
Hope you’re recovering fast, kaptaan sahaab! ???????? pic.twitter.com/54SCwJc5jF— Lucknow Super Giants (@LucknowIPL) June 28, 2022
रोहित शर्माच्या विश्रांतीमुळे या महिन्यात दक्षिण आफ्रिकेविरुद्धच्या टी-२० मालिकेसाठी केएल राहुलला कर्णधार बनवण्यात आले होते. पण, दिल्लीत झालेल्या पहिल्या सामन्यापूर्वी केएल राहुलला सरावात दुखापत झाली. दुखापतीमुळे त्याला संपूर्ण मालिकेतून बाहेर व्हावे लागले. त्याच्या जागी ऋषभ पंतला कर्णधार बनवण्यात आले. केएल राहुलचीही इंग्लंड दौऱ्यासाठी निवड झाली होती. पण, खोल दुखापतीमुळे तो इंग्लंड दौऱ्यातूनही बाहेर पडला.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
