🕒 1 min read
मुंबई : ब्रेबॉर्न स्टेडियमवर चाहत्यांना आयपीएल २०२२चा रोमहर्षक सामना पाहायला मिळाला. चौकार-षटकारांची आतषबाजी झालेल्या या सामन्यात दिल्ली कॅपिटल्सने कोलकाता नाइट रायडर्सला ४४ धावांनी पराभूत केले. या सामन्यात कोलकाताचा कॅप्टन श्रेयस अय्यरने टॉस जिंकत प्रथम गोलंदाजी घेतली, पण हा निर्णय त्याच्या अंगउलट आला. सलामीवीर शॉ, वॉर्नर यांची अर्धशतके आणि शेवटी शार्दुल ठाकूर, अक्षर पटेल यांनी केलेल्या फटकेबाजीमुळे दिल्लीने कोलकाताला २१६ धावांचे आव्हान दिले. प्रत्युत्तरात कोलकाताचा संघ १९.४ षटकात १७१ धावांपर्यंतच पोहोचू शकला. दिल्लीकडून फिरकीपटू कुलदीप यादवने ३५ धावांत ४ बळी घेत सामना दिल्लीच्या बाजूने झुकवला.
कोलकाताचा डाव
दिल्लीच्या विशाल आव्हानाचा पाठलाग करताना कोलकाताची सुरुवात खराब झाली. दिल्लीचा वेगवान गोलंदाज खलील अहमदने प्रथम व्यंकटेश अय्यर (१८) त्यानंतर अजिंक्य रहाणे (८) या सलामीवीरांना तंबूत पाठवले. त्यानंतर कप्तान श्रेयस अय्यरने नितीश राणासोबत झुंज दिली. श्रेयसने ५ चौकार आणि २ षटकारांसह ५४ धावांची अर्धशतकी खेळी करत संघाला शतकी टप्पा ओलांडून दिला. राणानेही आक्रमक ३० धावांची खेळी केली. दिल्लीचा फिरकीपटू कुलदीप यादवने सामना दिल्लीच्या बाजूने फिरवला, त्याने श्रेयसला फसवले. १६व्या षटकात त्याने पॅट कमिन्स, सुनील नरिन आणि उमेश यादव यांना पॅव्हेलियनला मार्ग दाखवला. आंद्रे रसेलने फटकेबाजी करण्याचा प्रयत्न केला, पण दिल्लीचे आव्हान त्याला पेलवले नाही. रसेल २४ धावा काढून बाद झाला. १९.४ षटकात कोलकाताला सर्वबाद १७१ धावा करता आल्या.
दिल्लीचा डाव
मागच्या सामन्यात अपयशी ठरलेल्या डेव्हिड वॉर्नरने आज पृथ्वी शॉसोबत दमदार सुरुवात केली. या दोघांनी पहिल्या गड्यासाठी नवव्या षटकातच ९३ धावा केल्या. पृथ्वीने सलग दुसरे अर्धशतक ठोकले. त्याने ७ चौकार आणि २ षटकारांसह ५१ धावा केल्या. फिरकीपटू वरुण चक्रवर्तीने त्याला बाद करत कोलकाताला पहिले यश मिळवून दिले. त्यानंतर कप्तान ऋषभ पंतने वॉर्नरला साथ दिली. वॉर्नरने ६ चौकार आणि २ षटकारांसह ६१ धावा ठोकल्या. १७व्या षटकात वॉर्नर माघारी परतला. शेवटच्या दोन षटकात शार्दुल ठाकूर आणि अक्षर पटेल यांनी आतषबाजी फटके खेळले. त्यांच्यामुळे दिल्लीला दोनशेपार जाता आले. २० षटकात दिल्लीने ५ बाद २१५ धावा केल्या. शार्दुलने ११ चेंडूत १ चौकार आणि ३ षटकारांसह नाबाद २९ तर अक्षरने २ चौकार आणि एका षटकारासह नाबाद २२ धावा केल्या.
महत्त्वाच्या बातम्या –
- IPL 2022 KKR vs DC : आपली बॅटिंग भारी आणि फिल्डींग लय भारी..! लॉर्ड ठाकूरनं घेतला रहाणेचा सुपरकॅच
- “शिवसैनिक काँग्रेससाठी मतदान करेल”; उद्धव ठाकरे
- “बनावट हिंदु हृदयसम्राट लोकांनी झिडकारला”; मुख्यमंत्र्यांचा राज ठाकरेंना टोला?
- “आंदोलकांचा शरद पवारांच्या घरात घुसून इजा पोहचवण्याचा डाव’; आव्हाडांचा खळबळजनक आरोप
- IPL 2022 KKR vs DC : ‘लॉर्ड’ ठाकूर बनला फिनिशर..! दिल्लीचा कोलकातासमोर २१५ धावांचा डोंगर; वॉर्नर-शॉची अर्धशतके!
- “भाजपने बनावट हिंदू ह्रदयसम्राट बनवण्याचा प्रयत्न केला”; उद्धव ठाकरेंचा घणाघात
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
