Travelling Tips | तुम्ही पहिल्यांदाच विमानाने प्रवास करणार असाल तर या टिप्स वापरून पहा, प्रवास होईल सोपा!

🕒 1 min read

जर तुम्ही पहिल्यांदाच विमानाने प्रवास करणार असाल तर घाबरू नका तर एक्साइटेड व्हा. काही लोक विमानात प्रवास करायला खूप घाबरतात. विशेषत: पहिल्यांदा विमानाने प्रवास करताना. जर तुम्ही देखील त्यापैकी एक असाल तर काळजी करण्याची अजिबात गरज नाही. तुमच्या मनात जे काही प्रश्न असतील, त्याची आज आम्ही उत्तरे घेऊन आलो आहोत. या बातमीत आम्ही तुम्हाला बोर्डिंगपासून ते डेस्टिनेशनपर्यंत पोहोचण्यापर्यंतची संपूर्ण माहिती देणार आहोत. प्रवासापूर्वी तुम्ही कोणती तयारी करावी हे देखील सांगणार आहोत.

प्रवास पूर्व तयारी 

मर्यादित प्रमाणात सामान घेऊन जा

जर तुम्ही पहिल्यांदा फ्लाइटमध्ये प्रवास करत असाल तर कमीतकमी सामान सोबत घेऊन जाण्याचा प्रयत्न करा. फ्लाइटमध्ये सामान नेण्यासाठी काही नियम आहेत जे तुम्हाला पाळावे लागतील. जर तुम्ही अतिरिक्त सामान घेऊन जात असाल तर तुम्हाला अतिरिक्त शुल्क द्यावा लागेल.

तिकिटाची प्रिंट काढा

विमानतळावर जाण्यापूर्वी तिकिटाची प्रिंटआउट काढा. विमानतळावर अनेक वेळा एसएमएस तिकीट काम करत नाही. यामुळे तुम्हाला समस्यांनाही सामोरे जावे लागू शकते.

वेळेवर पोहोचा आणि आपले डॉक्युमेंट सोबत ठेवा

फ्लाइटच्या वेळेच्या सुमारे 2 तास आधी विमानतळावर पोहोचा आणि जर तुम्ही परदेशात प्रवास करत असाल तर विमानतळावर 3 ते 4 तास आधी पोहोचा. विमानतळावरील फॉर्मेलिटीजसाठी वेळ लागतो. तसेच, तुम्ही विमानतळावर जाताना तुमचे ओळखपत्र सोबत ठेवा.

विमान गाईडलाइन ऐका

विमानात तुमची सीट शोधा. जर तुम्हाला सीट शोधण्यात अडचण येत असेल तर फ्लाइट अटेंडंटची मदत घ्या. फ्लाइट अटेंडंट तुम्हाला सीट बेल्टपासून इमरजेंसी दरवाजापर्यंतची संपूर्ण माहिती देईल. त्यांनी दिलेल्या सूचनांचे पालन करा आणि कोणतीही चिंता न करता तुमच्या प्रवासाचा आनंद घ्या.

विमानतळावर प्रवेश करण्यापासून ते विमानात बसण्यापर्यंतच्या टिप्स 

• विमानतळावर तुमचे तिकीट हाताशी ठेवा, कारण बहुतांश माहिती तुमच्या तिकिटावरच असते. अशा परिस्थितीत जर तुम्हाला टर्मिनल, सीट किंवा एअरलाइनची वेळ पाहायची असेल तर तुम्हाला तिकीट लागेल. त्याच्या मदतीने, सहजपणे तुम्ही नेव्हिगेट करू शकता.
• सुरळीत नेव्हिगेशनसाठी तुमचे सामान वाहून नेण्यासाठी ट्रॉली वापरा. डिपार्चर प्रवेशद्वाराजवळ ट्रॉली उपलब्ध असते.
• तुमच्या तिकिटासोबत तुमचा आयडी प्रूफ ठेवायला विसरू नका, कारण तुम्हाला प्रवेशद्वारावरच त्याची आवश्यकता असेल.
• एकदा तुम्ही विमानतळाच्या आत गेल्यावर, एअरलाइन्स विभाग शोधा आणि तिकडे जा.
  तुमचे चेक इन सामान स्कॅन करून घ्या. जर तुम्ही ऑनलाइन चेकिंग केले नसेल तर चेक इन काउंटरवर जा आणि तुमचा बोर्डिंग पास गोळा करा.
• तुमच्या सामानाचे वजन करा आणि लगेज काउंटरवरून विमानाकडे जा.
• पुढे तुम्हाला मेटल डिटेक्टरमधून जावे लागेल. सुरक्षिततेच्या उद्देशाने तुमचा बोर्डिंग पास वगळता तुमचे सर्व सामान हॅंडबॅग पिशवीसह ट्रेमध्ये ठेवा आणि पुढे जा.
• आता तुमच्या फ्लाइटशी संबंधित घोषणा ऐका आणि तुमच्या फ्लाइटची वाट पहा.

महत्वाच्या बातम्या 

• Nitesh Rane | “मला वाटलं आदित्यच लग्न मुलीशी जमलं म्हणून…” ; नितेश राणेंचा खोचक टोला
• Bharat Gogawale । शिवसेनेला दसरा मेळाव्याची परवानगी मिळाल्यानंतर शिंदे गटातील भरत गोगावले म्हणाले…
• Glowing Skin | चमकदार त्वचा हवीये? मग ‘या’ ज्यूसचे करा सेवन
• Anil Parab | शिवसेनेचा दसरा मेळावा ‘शिवतिर्थ’वर! न्यायालयाच्या निकालानंतर अनिल परब यांची पहिली प्रतिक्रिया
• Health Tips | बदलत्या हवामानामध्ये शरीर सुदृढ ठेवायचे असेल, तर करा ‘या’ काढ्याचे सेवन
• Ajit Pawar | “मला गृहमंत्री व्हायचं होतं. मात्र, वरिष्ठांनी…”; अजित पवारांनी व्यक्त केली खंत