मराठा आरक्षणासाठी राजे एकत्र येतात तर मग ओबीसी आरक्षणासाठी अठरापगड जातीचे मावळे एकत्र येतील

सांगली : जर का मराठा समाजाच्या आरक्षणासाठीच सर्व राजे एकटवणार असतील तर आम्ही देखील अठरापगड जातीचे मावळे जमवून ओबीसी आरक्षणाचे रक्षण करु, असे वक्तव्य ओबीसी समाजाचे नेते प्रकाश शेंडगे यांनी केले.

मराठा समाजाला आरक्षण देण्यास आमचा विरोध नाही. मात्र, ओबीसीच्या कोट्यातून त्यांना आरक्षण देण्यास आमचा विरोध आहे. आमचे आरक्षण गिळंकृत करण्याचा डाव आखला जात आहे, असे प्रकाश शेंडगे यांनी म्हटले. त्यामुळे आता यावर मराठा समाजातून काय प्रतिक्रिया उमटणार, याकडे सर्वांचे लक्ष लागले आहे.

ते शनिवारी सांगलीत प्रसारमाध्यमांशी बोलत होते. यावेळी त्यांनी ओबीसी आरक्षणाच्या मुद्द्यावरुन आक्रमक भूमिका घेत संबंधितांना इशारा दिला. महाराष्ट्रात आरक्षणाचा खेळखंडोबा सुरु आहे. अठरापगड जातींचं आरक्षण हडप करण्याचा त्यावर डल्ला मारण्याचा प्रयत्न होत असल्याचा आरोप शेंडगे यांनी केला. राज्यात सर्व ७५ टक्के नोकरभरतीच्या प्रक्रिया थांबल्या आहेत. ओबीसी समाजाच्या नोकऱ्यांवर आणि हक्कावर गदा आणली जात आहे. १३ टक्के मराठा बांधवांसाठी ८७ टक्के एससी, ओबीसी आणि अन्य प्रवर्गातील नागरिकांचे हाल सुरु असल्याचे प्रकाश शेंडगे यांनी म्हटले.

महत्वाच्या बातम्या 

• पालिका-वक्फ बोर्डाचा वाद चिघळण्याची शक्यता
• कचर्‍याचे ढिगारे संपवण्यासाठी दोन्ही कचरा प्रकल्प १६ तास चालणार
• एस.टी.बसच्या धडकेत दिव्यांग प्रवासी जखमी
• केंद्र सरकार कृषी कायद्याच्या भूमिकेवर ठाम, मोदींचा पुनुरुच्चार
• मनपाच्या नागरी मित्र पथकाने केली ७६ लाखांवर वसुली