एस.टी.बसच्या धडकेत दिव्यांग प्रवासी जखमी

औरंगाबाद : मुख्य रस्त्यावरुन वळण घेऊन सिडको बसस्थानकात भरधाव वेगात आलेल्या बसने दिलेल्या धडकेत एक दिव्यांग प्रवासी जखमी झाल्याची घटना शुक्रवारी रात्री दहा वाजेच्या सुमारास सिडको बसस्थानकात घडली. निखील चव्हाण (वय १६, रा.रांजणगाव-शेणपुंजी, ता.गंगापूर) असे एस.टी.बसच्या धडकेत जखमी झालेल्या दिव्यांग प्रवाशाचे नाव आहे.

निखील चव्हाण हा रांजणगावहून सिडकोत राहणाऱ्या मामाच्या घरी आला होता. तिथून तो पून्हा रांजणगावला जाण्यासाठी सिडको बसस्थानकावर आल्यानंतर शहर बसची वाट पाहत उभा होता. त्यावेळी पुणे येथून जालन्याकडे जात असलेल्या एस.टी.बस क्रमांक (एमएच-०९-एफएल-००७५) ने निखील चव्हाण याला धडक दिली.

या घटनेत निखील चव्हाण याला जबर मार लागला असून निखीलचे मामा नवनाथ गिरी यांनी त्याला उपचारासाठी घाटी रूग्णालयात दाखल केले. दरम्यान, हा अपघात घडल्यानंतर बसचालकाने घटनास्थळावरून धुम ठोकली होती. या घटनेची नोंद एमआयडीसी सिडको पोलिस ठाण्यात करण्यात आली आहे.

महत्वाच्या बातम्या

• उस्मानाबादचे व्यापारी जीएसटी विरोधात आक्रमक
• बाळासाहेब होते म्हणून आम्ही आहोत; बाळासाहेबांच्या चरणी नतमस्तक होताना नांदगावकर गहिवरले
• बेळगावला केंद्रशासित राज्य करा ! शिवसेना खा. विनायक राऊतांचे मोदींकडे साकडे
• ‘हे महा आघाड़ी सरकार, की महा गुंडा़ सरकार; व्हायरल व्हिडीओवरून राम कदमांचा हल्लाबोल
• निळवंडेच्या कामासाठी मामांच्या मागे लागा अन्यथा तुमचा मामा होईल; अजितदादांचा प्राजक्त तनपुरेंना टोला