🕒 1 min read
मुंबई : अहमदाबादच्या नरेंद्र मोदी स्टेडियमवर आज रविवारी (२९ मे) आयपीएल २०२२ (IPL 2022)चा अंतिम सामना गुजरात टायटन्स आणि राजस्थान रॉयल्स यांच्यात (GT vs RR) होणार आहे. हा सामना पाहण्यासाठी एक लाखाहून अधिक प्रेक्षक जमणार आहेत, तर असे शेकडो पाहुणे असतील जे क्रीडा जगत, राजकारण आणि बॉलीवूड उद्योगासह उद्योग घराण्यांशी संबंधित असतील. या यादीत देशाचे पंतप्रधान नरेंद्र मोदी आणि गृहमंत्री अमित शहा यांच्या नावाचाही समावेश आहे, जे आयपीएलचा अंतिम सामना पाहण्यासाठी स्टेडियमवर पोहोचतील.
आयपीएल २०२२च्या अंतिम सामन्यापूर्वी ५० मिनिटांचा समापन सोहळा आयोजित केला जाईल, ज्यामध्ये बॉलिवूड स्टार रणवीर सिंग, गायक आणि संगीतकार एआर रहमान, नीती मोहन आणि उर्वशी रौतेला यांच्यापासून अनेक मोठ्या व्यक्ती सहभागी होणार आहेत. पंतप्रधान नरेंद्र मोदी आणि गृहमंत्री अमित शहा हे देखील उपस्थित राहणार असल्याचा दावा मीडिया रिपोर्ट्समध्ये केला जात आहे. अशा परिस्थितीत स्टेडियम संकुलाची सुरक्षा वाढवण्यात आली आहे. पंतप्रधान मोदी आधीच गुजरात दौऱ्यावर आहेत.
This dream is a work in progress. ????
See you tonight. ????#RoyalsFamily | #IPLFinal | #GTvRR pic.twitter.com/L3W1PS9VkH
— Rajasthan Royals (@rajasthanroyals) May 29, 2022
12 hours to… YOU KNOW! ????#IPLFinal | #AavaDe | #SeasonOfFirsts | #GTvRR pic.twitter.com/wDMUywNTbP
— Gujarat Titans (@gujarat_titans) May 29, 2022
मीडिया रिपोर्ट्सनुसार, शुक्रवार ते रविवार अहमदाबादमध्ये अनेक राजकीय आणि क्रीडा कार्यक्रम होणार आहेत आणि याच कारणासाठी पंतप्रधान मोदी गुजरातच्या दौऱ्यावर आहेत. मोदी स्टेडियममध्ये पोहोचले तर तेथे ६ हजारांहून अधिक पोलीस तैनात केले जातील. राज्य सरकारने सुरक्षेच्या व्यवस्थेसाठी राज्य राखीव पोलीस (SRP), जलद कृती दल (RAF) आणि इतर एजन्सींनाही पाचारण केले आहे.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
