मुंबई : काल माजी मुख्यमंत्री उद्धव ठाकरे यांनी गटनेत्यांचा मेळावा आयोजित केला होता. यावेळी त्यांनी भाजप, शिंदे-फडणवीस सरकार यांच्यावर जोरदार टीका केली. एवढंच नाही तर उपमुख्यमंत्री देवेंद्र फडणवीस यांची ही शेवटची निवडणुक असणार असल्याची टीका उद्धव ठाकरेंनी यावेळी केली आहे. यावर आता फडणवीसांनी प्रत्युत्तर दिलं आहे.
2019 मध्ये माझा शेवट करण्याचा प्रयत्न करण्यात आला असून तिघांनी मिळून एकत्रितपणे मला संपवण्याचा प्रयत्न केला असल्याचा धक्कादायक आरोप भाजप नेते आणि राज्याचे उपमुख्यमंत्री देवेंद्र फडणवीस यांनी केला आहे. तसेच, मात्र, ते मला संपवू शकले नाहीत आणि संपवू शकणारही नाहीत असंही फडणवीस यावेळी म्हणाले.
यापुर्वीसुद्धा अमित शहांनी उद्धव ठाकरेंवर गद्दारीचा आरोप केला होता. अशातच आता, आमच्यासोबत निवडून आमच्याच पाठित खंजीर खुपसला, असा आरोप फडणवीस यांनी पुन्हा केला. तसेच अशावेळी तुम्ही राजीनामे का दिले नाहीत? तेव्हा का निवडणुका घेतल्या नाहीत? असा सवाल उपस्थित करण्यात आला आहे. तुम्ही काँग्रेस-राष्ट्रवादीसोबत निवडून आला नव्हतात, तर पंतप्रधान नरेंद्र मोदी यांचा फोटा लावून निवडून आलात अशी खोचक टीका फडणवीस यांनी केली आहे.
मुंबईवर लचके तोडणारी गिधाडं फिरू लागली आहेत, अमित शहा म्हणाले सेनेला जमीन दाखवा, मात्र, त्यांना माहिती नाही की इथल्या जमिनीत तलवारीची पाती आहे, मुंबई आमच्यासाठी मातृभूमी आहे, अशी टीका त्यांनी अमित शाह यांच्यावर उद्धव ठाकरे यांनी केली होती. आमच्या आईवर वार करणाऱ्याचा कोथळा बाहेर काढल्याशिवाय राहणार नाही. दसऱ्यात लक्तरे काढणारच. कमळाबाईचा व मुंबईचा काय संबंध आहे असा सवाल उद्धव ठाकरे यांनी कालच्या मेळाव्यात विचारला होता.
महत्वाच्या बातम्या :
- Ramdas Kadam | रामदास कदमांनी रश्मी ठाकरेंबद्दल केलेलं ‘ते’ विधान घेतलं मागे म्हणाले…
- Samsung Sale | सॅमसंग च्या सेलमध्ये ‘या’ स्मार्टफोन्सवर आहे मोठ्या प्रमाणात सूट,जाणून घ्या!
- Gautam Adani | गौतम अदानी यांचं नाव श्रीमंताच्या यादीतून घसरलं, ‘या’ क्रमांकावर आले अदानी
- Devendra Fadnavis | ‘तुमची शेवची निवडणूक’ म्हणणाऱ्या उद्धव ठाकरेंना फडणवीसांनी दिलं प्रत्युत्तर म्हणाले…
- Devendra Fadnavis | “2019 ला मोदींच्या फोटोवर निवडून आले आणि नंतर…”; फडणवीसांचा उद्धव ठाकरेंवर हल्ला
