मुंबई : राष्ट्रवादीचे अध्यक्ष शरद पवार यांचा आज 81 वा वाढदिवस (Sharad Pawar ) असून त्यानिमित्त मुंबईतील नेहरू केंद्रात कार्यक्रम आयोजित करण्यात आला होता. या कार्यक्रमात राष्ट्रवादीच्या अनेक नेत्यांनी पवारांना वाढदिवसाच्या शुभेच्छा दिल्या. यावेळी बोलताना आज २०२४ मध्ये दिल्लीत बदल होणार असल्याचा विश्वास राज्याचे अन्न व नागरी पुरवठा मंत्री छगन भुजबळ (Chhagan Bhujbal) यांनी व्यक्त केला आहे.
संपूर्ण देशभरात सर्वांना सोबत घेऊन जाण्याची ताकद राष्ट्रवादी काँग्रेस पक्षाचे राष्ट्रीय अध्यक्ष खासदार शरद पवार यांच्यात आहे. त्यांच्या नेतृत्वाखाली महाराष्ट्रात जो महाविकास आघाडी सरकारचा चमत्कार झाला. तसाच चमत्कार २०२४ साली दिल्लीत होईल, असा विश्वास छगन भुजबळ यांनी व्यक्त केला आहे.
शरद पवार यांच्या ६१ व्या वाढदिवसाला दिवंगत पंतप्रधान अटल बिहारी वाजपेयी प्रमुख पाहुणे होते. साहेबांना समजून घ्यायचे असेल तर लोक माझे संगती आणि नेमकेची बोलावे ही पुस्तके वाचावीत. त्यांनी राजकीय, सांस्कृतिक, क्रीडा, शैक्षणिक, सहकार क्षेत्रात पवार साहेबांचे मोलाचे काम केले. कुस्तीला, क्रिकेटला आंतरराष्ट्रीय पातळीवर नेऊन ठेवले. ते स्त्री- पुरुष समानता मानणारे आहेत. शरद पवार यांच्यावर अनेक वैचारिक हल्ले झाले पण त्यांनी संयम ठेवला. कृषी मंत्री म्हणून मोलाचे काम त्यांनी केले आहे, असेही छगन भुजबळ म्हणाले आहेत.
मी पवार साहेबांना सांगेन की, तुम्ही जो महाराष्ट्रात चमत्कार घडवला असाच चमत्कार २०२४ नंतर दिल्लीत घडवला पाहिजे. पवार साहेबांबद्दल एकच गोष्ट बोलेन की, “ना समझो की ना आता मुझे जिने का सलिका, मैं पैरोंतले जमीन और मुठ्ठी में आसमान रखता हूँ!” – @ChhaganCBhujbal#SharadPawar pic.twitter.com/RWwaSkvmxi
— Nationalist Congress Party – Sharadchandra Pawar (@NCPspeaks) December 12, 2021
महत्त्वाच्या बातम्या
- ‘शरद पवारांनी मुस्लिमांना आरक्षण दिलं, भाजपने ते रोखलं’
- दि. विलासराव देशमुखांसोबतचा हा फोटो पोस्ट करत रितेशने दिल्या पवारांना वाढदिवसाच्या शुभेच्छा
- शिवसेनेच्या बॅनरबाजीवरून नितेश राणे आक्रमक;म्हणाले,’शिवसेना हा नाच्यांचा…’
- कोहली कर्णधारपदावरून हटताच अश्विनचे चांगले दिवस; रोहितने सांगितली मोठी गोष्ट
- जयंत पाटलांकडून शरद पवारांना वाढदिवसाच्या करेक्ट बाराच्या ठोक्याला शुभेच्छा
