“स्वाभिमान विकून लाचारी पत्करलीत आणि साहेबांच्या पायाशी…”, अतुल भातखळकर यांचा गुलाबराव पाटलांना टोला

मुंबई: आपण नेहमीच राष्ट्रवादी कॉंग्रेस पक्ष आणि राष्ट्रवादी काँग्रेसचे अध्यक्ष शरद पवार यांचा विरोध केला. मात्र शरद पवारांमुळे मला मंत्रिपद मिळालं. ही बाब अतिशय आश्‍चर्यकारक असल्याचे शिवसेना नेते गुलाबराव पाटील यांनी म्हटले. यावरूनच भाजप नेते अतुल भातखळकर यांनी ट्वीट करत टोला लगावला आहे.

“मी शरद पवार अन् राष्ट्रवादीला नेहमी विरोध केला; मात्र त्यांनीच मला मंत्री केलं इति शिवसेना मंत्री गुलाबराव पाटील. स्वाभिमान विकून लाचारी पत्करलीत आणि साहेबांच्या पायाशी लोळण घेतलीत म्हणून ते मंत्रीपद मिळालं.”, असा टोला अतुल भातखळकर यांनी ट्वीट करत लगावला आहे.

काय म्हणाले गुलाबराव पाटील?

स्वतंत्रसेनानी आणि माजी आमदार स्व. मुरलीधर अण्णा पवार यांच्या धरणगाव तालुक्यातील चांडसर येथील पुतळ्याचे शरद पवार यांच्या हस्ते अनावरण झाले.यावेळी मंत्री गुलाबराव पाटील यांनी शरद पवारांचे तोंडभरून कौतुक केले. आपण नेहमीच राष्ट्रवादी कॉंग्रेस पक्ष आणि राष्ट्रवादी काँग्रेसचे अध्यक्ष शरद पवार यांचा विरोध केला. मात्र शरद पवारांमुळे मला मंत्रिपद मिळालं. असे गुलाबराव पाटील यांनी म्हटले. यावेळी राष्ट्रवादी काँग्रेसचे नेते एकनाथ खडसे यांनीही शरद पवार हे महाराष्ट्राच्या राजकारणाचे चित्र बदलणारा नेते आहे, असे म्हटले.

महत्वाच्या बातम्या:

• ‘The Kashmir Files’ चित्रपटात काश्मिरी पंडितांवरच हल्ला झाल्याचे एकतर्फी चित्र रंगविण्यात आले; राष्ट्रवादीचा आरोप
• IPL 2022 RR vs GT: अश्विनला तिसऱ्या क्रमांकावर पाठवण्या मागच्या मास्टर प्लॅनचा संजू सॅमसनने केला खुलासा!
• “लोका सांगे ब्रह्मज्ञान स्वतः मात्र…”, किशोरी पेडणेकरांचा राज ठाकरेंना टोला
• “मेरा आवाज हिंदुस्थान का आवाज…” कोर्टाबाहेर सदावर्तेंनी दिल्या घोषणा
• गुणरत्न सदावर्तेंना चार दिवसांची पोलीस कोठडी; सातारा जिल्हा न्यायालयाचा निर्णय