Arvind sawant | “ही हळद उतरली की तुमची नशाही उतरेल”; अरविंद सावंतांचा इशारा

🕒 1 min read

मुंबई : राज्यात सध्या तीन गट एकमेकांवर टीकास्त्र डागत आहेत. हे तीन गट म्हणजेच शिवसेना, भाजप आणि शिंदे गट. आजही भाजपचे युवा आमदार राम सातपुते यांनी शिवसेना आणि शिवसेना प्रमुख उद्धव ठाकरे यांच्यावर टीका केली होती. त्यावरून शिवसेनेचे खासदार अरविंद सावंत यांनी त्यांना ट्विटद्वारे प्रत्युत्तर दिले. मात्र अजूनही हा वाद शांत झालेला नाही. सावंतांच्या प्रत्युत्तरानंतरही सातपुते यांनी पुन्हा एकदा उद्धव ठाकरे यांच्याबद्दल ट्विट केले. त्यावरून आता अरविंद सावंत यांनी सातपुतेंचा चांगलाच समाचार घेतला आहे.

“आपण लोकप्रतिनिधी आहोत त्यामुळे आपण आपल्या भाषेची मर्यादा पाळलीच पाहिजे. पण भाजप नेते सातत्याने अहंकार, चीड घाणेरड्या पद्धतीने व्यक्त होत आहे. अहो, तुमच्याचकडे नितीन गडकरीजी आहेत, त्यांच्याकडे जरा बघा. तेव्हाच तुम्हाला कळेल कि तुम्ही कसं वागायला हवं. ही चार दिवसाची हळद आहे, ती उतरली की तुमची नशा देखील उतरेल.”, असा इशारा सावंत यांनी राम सातपुतेंना दिला आहे. तर सातपुतेंच्या पहिल्या ट्विटवर सावंत म्हणाले होते कि, “कोण हे राम सातपुते. भाजपचे आमदार का? काय त्यांची भाषा, हेच का भाजपचे हिंदुत्वाचे संस्कार. देवेंद्र फडणवीसजी यांच्यावर कारवाई करून दाखवा, नाहीतर रामराज्याची भाषा करू नका.”

सातत्याने अहंकार, चीड घाणेरड्या पद्धतीने व्यक्त होत आहे… तुमच्याचकडे मा. नितीन गडकरीजी आहेत, बघा त्यांच्याकडे, मग कळेल की कस वागायला हवं. चार दिवसाची आहे ही हळद, ती उतरली की नशा देखील उतरेल…#Shivsena @OfficeofUT @AUThackeray https://t.co/9z0atdjrci pic.twitter.com/Gju7vgyBau

— Arvind Sawant (@AGSawant) August 22, 2022

काय म्हणाले सातपुते?

आमदार राम सातपुते यांनी आज शिवसेना आणि शिवसेना प्रमुख उद्धव ठाकरे यांच्याबद्दल ट्विट केले होते. त्यात त्यांनी लिहिले कि, “आधी फाटलेल्या चड्डीला ठिगळं लावा. उगाच आभाळ हेपलायचे धंदे बंद करा.” त्यावर अरविंद सावंत यांनी सातपुतेंच्या संस्कारांवर भाष्य केले. त्यामुळे पुन्हा सातपुते ट्विट करत म्हणाले कि, “आईचे दूध काढणे कितपत योग्य आहे ? एखाद्याच्या आईच्या दूधावर बोलण्यात कोणते संस्कार आहेत? निघाले संस्कार काढायला. सत्ता जाताच शिल्लक सेनेच्या लोकांना संस्कार आठवायला लागलेत. हेच संस्काराचे चार थेंब संजय राऊत यांना पाजले असते तर बर झालं असत. टीव्ही कॅमेऱ्यासमोर शिव्या देणाऱ्या संजय राऊत यांची शिकवणी घ्यायला सवड नव्हती का?”

महत्वाच्या बातम्या:

• Hasan Mushrif | “बंड केल्यानंतर अजित पवारांच्या नावाने खडे का फोडले?” ; हसन मुश्रीफ सभागृहात आक्रमक!
• Monsoon Session | “खाऊन ५० खोके, माजलेत गद्दार बोके…”; विरोधकांची आजही घोषणाबाजी
• Chhagan Bhujbal | “किती डास पकडले, किती नर आणि मादी होते” ; छगन भुजबळांचा राज्य सरकारला सवाल
• Sambhaji Chhatrapati | “तुम्ही आश्वासनाचे कागद घेऊन आला होता?” ; संभाजीराजेंनी मुख्यमंत्र्याना करुन दिली जुन्या आश्वासनाची आठवण
• Sanjay Raut | संजय राऊत यांचा आर्थर रोड तुरुंगातील मुक्काम 5 सप्टेंबरपर्यंत वाढला