Hasan Mushrif | “बंड केल्यानंतर अजित पवारांच्या नावाने खडे का फोडले?” ; हसन मुश्रीफ सभागृहात आक्रमक!

🕒 1 min read

मुंबई : राष्ट्रवादी काँग्रेसचे आमदार हसन मुश्रीफ यांनी गुलाबराव पाटील यांना सभागृहात जोरदार प्रत्युत्तर दिलं आहे. बंड केल्यानंतर अजित पवारांच्या नावाने खडे का फोडले?, असा सवाल त्यांनी उपस्थित केला आहे. अजित पवार यांनी आम्हाला मदत केली, असे वक्तव्य गुलाबराव पाटील यांनी केलं होतं. ज्यांनी माझ्याकडे पाण्याची योजना आणली. ती काही मी माझ्या घरुन करत नाही. केंद्राचे ५० ट्क्के आपल्याला मिळतात. त्यावेळी अजित पवार यांनी मला वारंवार मदत केली. त्यावेळी ती योजना आम्ही केली.

यावर हसन मुश्रीफ म्हणाले, “पाणीपुरवठा मंत्री गुलाबराव पाटील यांनी आम्हाला सांगितलं की मागच्या सरकारमध्ये तत्कालीन उपमुख्यमंत्री अजित पवार यांनी आम्हाला सहकार्य केलं. मग यांचे हे वक्तव्य खरं की गुवाहाटीत अजित पवारांनी अन्याय केला हे खरं”

पैशाशिवाय एकनाथ शिंदे गट काम करीत नाही-

शिवसेना पक्षप्रमुख आणि महाराष्ट्राचे माजी मुख्यमंत्री उद्धव ठाकरे यांनी पुन्हा एकदा एकनाथ शिंदे गटावर हल्लाबोल केला आहे. महाराष्ट्राचे मुख्यमंत्री एकनाथ शिंदे यांच्या नेतृत्वाखालील बंडखोर गट पैशांशिवाय काम करत नाही. शिवसेनेचे प्रामाणिक कार्यकर्ते माझ्यासोबत आहेत, असे उद्धव ठाकरे यांनी रविवारी सांगितले. मुंबईतील शिवसैनिक कार्यकर्त्यांना संबोधित करताना ठाकरे म्हणाले की, देशविरोधी लोकांना धडा शिकवण्यासाठी लोक विधानसभा निवडणुकीची वाट पाहत आहोत. ते म्हणाले की, शिंदे-देवेंद्र फडणवीस सरकारमध्ये विधानसभा निवडणुकांना सामोरे जाण्याची हिंमत नाही.

ते खोक्याशिवाय काम करू शकत नाहीत, असे ठाकरे म्हणाले. आमच्याकडेही खोके आहेत, ज्यात शिवसेनेशी प्रामाणिक आणि निष्ठावान लोक भरलेले आहेत. उद्धव ठाकरे आणि एकनाथ शिंदे यांच्या नेतृत्वाखालील शिवसेना गटांनी आमदारांच्या अपात्रतेबाबत आणि इतर तांत्रिक मुद्द्यांवर दाखल केलेल्या याचिकांवर सर्वोच्च न्यायालयात मंगळवारी सुनावणी होण्याची शक्यता आहे.

महत्वाच्या बातम्या :

• Monsoon Session | “खाऊन ५० खोके, माजलेत गद्दार बोके…”; विरोधकांची आजही घोषणाबाजी
• Chhagan Bhujbal | “किती डास पकडले, किती नर आणि मादी होते” ; छगन भुजबळांचा राज्य सरकारला सवाल
• Sambhaji Chhatrapati | “तुम्ही आश्वासनाचे कागद घेऊन आला होता?” ; संभाजीराजेंनी मुख्यमंत्र्याना करुन दिली जुन्या आश्वासनाची आठवण
• Sanjay Raut | संजय राऊत यांचा आर्थर रोड तुरुंगातील मुक्काम 5 सप्टेंबरपर्यंत वाढला
• Rohit Pawar| “ओवर्सीज बँकेत 52 कोटी रुपयांचा भ्रष्टाचार…”, रोहित पवार यांचा मोहित कंबोज यांच्यावर हल्लाबोल
• Shivsena vs BJP | 2024 चा बुलडाणा लोकसभेचा खासदार हा भाजपचाच? संजय गायकवाड यांची प्रतिक्रिया