यशवंत जाधवांच्या डायरी संदर्भात अजित पवारांचे स्पष्टीकरण; म्हणाले, “बरेच जण आपल्या आईला…”

🕒 1 min read

पुणे : शिवसेना नेते यशवंत जाधव (Yashwant Jadhav), त्यांचे सहकारी आणि बीएमसी कंत्राटदार यांच्या निवासस्थानी २५ फेब्रुवारी रोजी आयकर विभागाला काही महत्त्वाचे पुरावे मिळाले होते. तपासात जाधव यांनी केलेल्या कोट्यवधींच्या संशयास्पद नोंदी असलेली डायरीही विभागाला सापडली आहे. अधिकाऱ्यांच्या म्हणण्यानुसार, डायरीतील एका नोंदीमध्ये मातोश्रीला ५० लाख रुपयांचे घड्याळ पाठवल्याचा उल्लेख आहे आणि दुसऱ्या नोंदीमध्ये गुढीपाडव्याला मातोश्रीला २ कोटी रुपयांची भेट पाठवल्याचा उल्लेख आहे. या मुद्द्यावरून आता राजकीय वर्तुळात चर्चांना उधाण आल्याचे बघायला मिळत आहे. याच पार्श्वभूमीवर आता उपमुख्यमंत्री अजित पवार (Ajit Pawar) यांनी या डायरी संदर्भात स्पष्टीकरण दिले आहे.

यासंदर्भात प्रसार माध्यमांशी संवाद साधत असतांना अजित पवार म्हणाले की,‘यासंदर्भात विचारण्यात आले असता यशवंत जाधव यांनी मी माझ्या आईला मातोश्री म्हणतो असे उत्तर दिले आहे. बरेच जण स्वतःच्या आईला मातोश्री म्हणतात. ते स्वतः सांगत असताना आपण त्याला अधिक उकळी देण्याचे काम का करत आहात?’, असे पवार म्हणाले.

दरम्यान, यशवंत जाधव यांनी आपल्या डायरीतील ‘मातोश्री’ हा उल्लेख म्हणजे आपली आई असल्याचे म्हटले आहे. आपल्याला दानाची २ कोटी रुपयांची रक्कम मिळाली. याचा वापर मराठी नववर्ष गुढीपाडव्याच्या भेटवस्तू देण्यासाठी केला. तसेच आईच्या नावावर लोकांना घड्याळांचे वाटप केल्याचा दावाही त्यांनी केला आहे.

महत्वाच्या बातम्या

• ऑस्कर गोज टू…” ‘डय़ून’ चित्रपटाने पटकावले सर्वाधिक पुरस्कार,कोट्यवधी भारतीयांचे स्वप्न भंगले
• सिंधुदुर्ग आणि संपूर्ण कोकण शिवसेनेचा बालेकिल्ला- संजय राऊत
• “…हे तुम्हाला दिसत नाही का?”, सुप्रिया सुळेंच्या ‘त्या’ वक्तव्यावरून भाजपचा सवाल
• IPL 2022 : आज नव्या संघांमध्ये पहिली लढत; वाचा काय सांगते वानखेडेची खेळपट्टी!
• मधमाशी पालन व्यावसायिकांना कृषी विज्ञान केंद्रांमधून मदतीचा हात!