गोव्यातील यशानंतर फडणवीसांचे नागपूरात थाटामाटात स्वागत  

नागपूर: विरोधी पक्षनेते तथा गोव्याचे प्रभारी देवेंद्र फडणवीस (Devendra Fadnavis) यांचे गोव्यात मिळालेल्या यशानंतर नागपुरात स्वागत करण्यात आले. विजयी रॅलीदरम्यान फडणवीसांनी केंद्रीय मंत्री नितीन गडकरींच्या निवासस्थानी भेट दिली. या ठिकाणी त्यांनी गडकरींशी संवाद साधत पाया पडून आशीर्वादही घेतले.

दरम्यान गोव्यातील अभूतपूर्व यशानंतर नागपुरात भाजपकडून नितीन गडकरी आणि देवेंद्र फडणवीस यांचे स्वागत करण्यात आले. या ठिकाणी मोठी रॅलीही काढण्यात आली होती. ही रॅली गडकरींच्या निवासस्थानाजवळ पोहोचली तेव्हा नितीन गडकरी यांच्या पत्नी कांचन गडकरी यांनी फडणवीस यांचे औक्षण केले.

यावेळी फडणवीस यांनी काँग्रेस आणि इतर पक्ष जनतेपासून तुटलेले आहेत. शिवसेना आणि राष्ट्रवादीची लढाई नोटाशी होती. नोटाला देखील त्यांच्यापेक्षा चांगली मते मिळाली, असा खोचक टोला लगावला. तसेच हा विजय माझ्या एकट्याचा नसून भाजपचा आहे. गोव्यात काम करण्याची संधी मला मिळाली, त्यासाठी मी भाजपचा आभारी आहे. आमचे विरोधक देव पाण्यात घालून बसले होते. पण ‘मुंगेरीलाल के हसीन सपने’ फक्त राहिले, असे फडणवीस म्हणाले.

महत्वाच्या बातम्या:

• सर्वाधिक विकेटचा रेकॉर्ड मोडल्यानंतर कपिल देवने अश्विनला पत्र पाठवले; ज्यात लिहले…
• “पंजाबच्या इतिहासात कधीच कुणी असा निर्णय घेतला नसेल”, भगवंत मान यांच्या पोस्टवरून चर्चांना उधाण
• “…तरी तुम्हाला मिरची झोंबते”, फडणवीसांची शिवसेनेवर टीका 
• “आमचे विरोधक देव पाण्यात घालून बसले होते तरीही…”, देवेंद्र फडणवीसांचे टीकास्त्र
• पाकिस्तानी एजन्ट असलेल्या घोटाळेबाजासोबत बेस्टच्या ई बसचा व्यवहार- आशिष शेलार