“…तरी तुम्हाला मिरची झोंबते”, फडणवीसांची शिवसेनेवर टीका 

मुंबई: देशात आणि राज्यात सध्या ‘द कश्मीर फाइल्स’ या चित्रपटामुळे चांगलेच राजकारण रंगताना दिसून येत आहे. राज्यात हा चित्रपट करमुक्त करण्यात यावा, अशी मागणी भाजपकडून करण्यात येत आहे. यावरच आता विरोधी पक्षनेते देवेंद्र फडणवीस (Devendra Fadnavis) यांनीही प्रतिक्रिया दिली आहे.

“काश्मीरसंदर्भात शिवसेनाप्रमुख दिवंगत बाळासाहेब ठाकरे यांची भूमिका आणि आता उद्धव ठाकरे यांच्या सरकारचे वर्तन यांच्यामध्ये जमीन-आस्मानाचा फरक आहे. ‘कोण होतास तू, काय झालास तू’ या गाण्यातील बोल शिवसेनेला लागू पडतात. कुठे बाळासाहेब यांचे जाज्ज्वल्य हिंदूुत्व, जे कश्मिरी पंडितांच्या पाठीशी उभे राहिले होते आणि कुठे आताची शिवसेना.आज काश्मिरी पंडितांवर झालेला अत्याचार दाखवला तरी तुम्हाला मिरची झोंबते, इतकी शिवसेना का बदलली”, असा खोचक सवाल करत फडणवीस यांनी शिवसेनेला टोला लगावला आहे.

दरम्यान “महाराष्ट्र सरकारने युती सरकारच्या काळात काश्मिरी मुलांसाठी वैद्यकीय आणि इंजिनिअरिंगमध्ये पाच टक्के जागा राखीव ठेवल्या होत्या. काश्मीरची खरी फाईल बाळासाहेब ठाकरे यांना माहिती आहे. नुसतं सिनेमा टॅक्स फ्री करून त्यांच्या वेदना कळत नाहीत.”, असा टोला संजय राऊत यांनी काल लगावला होता. त्यामुळे पुन्हा एकदा या सिनेमामुळे भाजप-सेनात वाद रंगला आहे.

महत्वाच्या बातम्या:

• IPL 2022: २००८ नंतर पहिल्यांदाच ‘हे’ तीन खेळाडू नसणार आयपीएलचा भाग
• “आता देश बदलत आहेत…” The Kashmir Files वर विवेक अग्नीहोत्रीची प्रतिक्रिया
• महिला शेतकऱ्यांच्या आर्थिक अनुदानात होणार वाढ!
• “काश्मीर फाईल्समधील कागद फडफडून दाखवू नका”; संजय राऊतांचा भाजपवर हल्लाबोल
• IPL 2022: फिटनेस टेस्टचा रिझल्ट आला; हार्दिक पास तर शॉमुळे दिल्लीला लागणार धक्का?!