ऋषी कपूरच्या ‘ओम शांती ओम’ या हिट गाण्यावर रणबीर,आलिया, आमिर,करीनाने केला भट्टचा डान्स

🕒 1 min read

नवी दिल्ली : हिंदी चित्रपटसृष्टीतील दिग्गज अभिनेते ऋषी कपूर यांचा शेवटचा चित्रपट ‘शर्माजी नमकीन’ हा प्राइम व्हिडिओवर प्रदर्शित झाला आहे. 2020 मध्ये ऋषी कपूर यांचे निधन झाल्यामुळे  परेश रावल यांनी या चित्रपटातील राहिलेले भाग पूर्ण केले. रणबीर कपूरने वडिलांच्या शेवटच्या चित्रपटाच्या प्रमोशनसाठी पुढाकार घेतला आहे. यावेळी ॲमेझॉन प्राइमने ज्येष्ठ अभिनेत्याला श्रद्धांजली वाहणारा एक गाण्याचा व्हिडिओ रिलीज केला आहे. ज्यामध्ये रणबीर कपूर, आलिया भट्ट, करीना कपूर आणि आमिर खान यांच्यासह उद्योगातील अनेक तरुण कलाकार त्यांच्या ओम शांती ओमच्या हिट गाण्यावर डान्स करताना दिसत आहेत.

व्हिडिओमध्ये मूळ गाण्याचे फुटेज देखील वापरले गेले आणि एडिटिंगद्वारे नवीन कलाकारांना जोडले गेले आहे.  त्याचबरोबर ऋषी कपूर यांच्या शर्माजी या पात्राची झलकही चित्रपटातून समाविष्ट करण्यात आली आहे.  व्हिडिओमध्ये रणबीर, आमिर, आलिया आणि करीना व्यतिरिक्त निर्माता फरहान अख्तर, विकी कौशल, अर्जुन कपूर, आधार जैन, तारा सुतारिया, सिद्धांत चतुर्वेदी, अनन्या पांडे ओम शांती ओमच्या तालावर नाचत आहेत.

30 एप्रिल 2020 रोजी ऋषी कपूर यांचे निधन झाले, जेव्हा कोरोना महामारी चालू होती आणि देशात लॉकडाऊन होते. या चित्रपटाच्या शूटिंगदरम्यान ऋषी कपूर  यांना कर्करोग झाला होता, त्यानंतर ते उपचारासाठी न्यूयॉर्कला गेले होते. यादरम्यान ऋषी कपूर सोशल मीडियावरही एक्टिव होते आणि ट्विट करून चाहत्यांशी संवाद साधत असत. मात्र, काही महिन्यांनी बरे झाल्यानंतर त्यांचे निधन झाले.

महत्वाच्या बातम्या :

“अहो गिरीश बापट, बंद करा हे नाटक”- प्रशांत जगताप

नोकरच्या सांत्वनासाठी जॅकी श्रॉफने थेट गाठलं गाव, मोठ्या मनाचा माणूस!

IPL 2022: आरसीबीचे चाहते मॅक्सवेलच्या परतीसाठी आतूर ; वसीम जाफरने मीम शेअर करत घेतली फिरकी

धकधक गर्ल आणि रितेश देशमुखचा ‘कच्चा बादाम’वर डान्स; व्हिडीओ व्हायरल

IPL 2022: केकेआरला पराभूत करणाऱ्या हसरंगाने केला त्याच्या स्टाईलचा खुलासा ; म्हणाला ‘माझं सेलिब्रेशन नेमार सारखं’