पुणे : पुण्याच्या पाण्याचा प्रश्नावर खासदार गिरीश बापट गेले 2 दिवस आक्रमक झालेले आहेत. प्रशासन बैठकीत खासदार बापट यांनी सभात्याग केला होता. त्यावर आता राष्ट्रवादी काँग्रेसचे नेते प्रशांत जगताप यांनी बापट यांच्या कार्यालया बाहेर आंदोलन केले आहे.
यावेळी माध्यमांशी संवाद साधत असताना त्यांनी बापट यांच्यावर टीका केली आहे. इतके वर्ष भाजपची सत्ता असताना बापट यांना जाग आली नाही आणि आता १४ मार्चला सत्ता संपुष्टात येताच भाजप खोटं नाटक करत आहेत, असा आरोप त्यांनी केला.
