‘तू माझ्या मुलीसारखी आहेस, तू घाबरु नको’ ; राज्यपाल भगतसिंह कोश्यारींचे पायल घोषला आश्वासन

🕒 1 min read

मुंबई : अभिनेत्री पायल घोष यांच्यासोबत दिग्दर्शक अनुराग कश्यप यांनी गैरकृत्य केल्याची तक्रार पायलने पोलिसांकडे केली आहे. त्या प्रकरणी मुंबई पोलिसांनी अद्याप अनुराग कश्यप यांची चौकशी केली नाही. येत्या सात दिवसांत मुंबई पोलिसांनी अनुराग कश्यप यांच्यावर कोणती कारवाई केली नाहीतर मुंबईत रिपब्लिकन पक्षातर्फे तीव्र आंदोलन छेडण्यात येईल असा ईशारा काल रिपब्लिकन पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले यांनी दिला होता.

तर आज रामदास आठवले यांनी अभिनेत्री पायल घोषसह राज्यपाल भगतसिंह कोश्यारी यांची भेट घेतली आहे.रामदास आठवले, पायल घोष आणि भगतसिंह कोश्यारी यांनी जवळपास अर्धा पाऊण तास चर्चा केली. यावेळी रामदास आठवले यांनी पायल घोषला सुरक्षा देण्यात यावी, अशी मागणी राज्यपालांकडे केली. त्यावर राज्यपालांनी मी याबाबत गृहमंत्र्यांशी बोलतो, असं सांगितलं आहे.

“राज्यपालांशी आम्ही जवळपास अर्धा तास चर्चा केली. पायल घोष यांच्यावर काही वर्षांपूर्वी अत्याचार झाला होता. त्याबाबत तिने ओशिवरा पोलिसात तक्रारही दाखल केली आहे. मात्र, अद्याप अनुराग कश्यपची चौकशी झाली नाही. त्यामुळे मी यासंदर्भात राज्यपालांना निवेदन दिले आहे,” असे रामदास आठवले यांनी सांगितले. तर, “तू माझ्या मुलीसारखी आहेस, तू घाबरु नको, तुला पूर्ण सुरक्षा मिळेल,” असे आश्वासनही राज्यपाल भगतसिंह कोश्यारी यांनी पायलला दिले.

पायल घोषने मानले आठवलेंचे आभार!

माझ्या जीवाची आणि इज्जतीची पर्वा न करता मी अनुराग कश्यप विरुद्ध तक्रार केली आहे. माझ्या जीवाला धोका आहे. माझ्या या संकटकाळात केंद्रिय राज्यमंत्री रामदास आठवले आणि रिपब्लिकन पक्ष माझ्या पाठीशी उभा राहिल्याने मला हिम्मत मिळाली आहे त्याबद्दल त्यांचे धन्यवाद मानत असल्याचे अभिनेत्री पायल घोष म्हणाली आहे.

महत्वाच्या बातम्या :-

• ‘उद्धव ठाकरे जगातील सर्वात अकार्यक्षम मुख्यमंत्री, त्यांना कोणी जाब विचारू शकत नाही’
• जिल्हा रुग्णालयात कोरोनाने मृत्यू पावलेल्या महिलेचे दागिने लंपास!
• विदर्भात ‘का’ पेटली नागपूर कराराची होळी, शंभरवर्षांच्या संघर्षासाठी हजारो वैदर्भीय रस्त्यावर   
• ‘या’ शहरात काँग्रेस भोला भवनातून निघाला बैलबंडीतून मोर्चा, आंदोनाचे नेमके कारण… 
• ‘माझे कुटुंब माझी जबाबदारी’साठी अंगणवाडी सेविकांचा नकार, आता जबाबदारी गुरुजींच्या खांद्यावर