‘होय, मी गुन्हा केलाय..’, सुप्रीम कोर्टातील कथित ऑक्सिजन रिपोर्टवर केजरीवालांचा खुलासा

🕒 1 min read

नवी दिल्ली : सर्वोच्च न्यायालयाने स्थापन केलेल्या ऑक्सिजन ऑडिट कमिटीने मे महिन्यात कोरोनाच्या दुसऱ्या लाटेत दिल्लीमध्ये ऑक्सिजनचा पुरवठा आणि वापर यामध्ये मोठा गोंधळ झाल्याचा दावा केलाय. देशाच्या राजधानीमध्ये कोरोना पीकच्या कालावधीमध्ये वापर करण्यात आलेला ऑक्सिजन आणि वापर झाल्याचा दावा करण्यात आलेल्या ऑक्सिजनच्या आकडेवारीमध्ये मोठी तफावत कमिटीला आढळून आलीय. दिल्ली सरकारने गरजेपेक्षा चार पट अधिक ऑक्सिजन मिळवण्याचा प्रयत्न केल्याचा दावा या कमिटीने केलाय.

सुप्रीम कोर्टाच्या ऑक्सिजन ऑडिट समितीने दिलेला अहवाल अस्तित्वातच नसून हा भाजपाने तयार केला आहे असा गंभीर आरोप दिल्लीचे उपमुख्यमंत्री मनिष सिसोदिया यांनी केला आहे. खोटा अहवाल तयार करुन भाजपा फक्त मुख्यमंत्री अरविंद केजरीवाल यांची बदनामी करत नसून केंद्राने ऑक्सिजनची योग्य व्यवस्था न केल्याने सदस्य गमावलेल्या कुटुंबीयांचादेखील अपमान करत आहेत असे सिसोदिया यांनी पत्रकार परिषदेत सांगितले.

त्यानंतर मुख्यमंत्री अरविंद केजरीवाल यांनीही या अहवालावर भाष्य केलेय. ‘माझा गुन्हा हा आहे की मी दोन कोटी नागरिकांच्या श्वासांसाठी लढलो’ असे ट्विट त्यांनी केलेय.

मेरा गुनाह-मैं अपने 2 करोड़ लोगों की साँसों के लिए लड़ा

जब आप चुनावी रैली कर रहे थे, मैं रात भर जग कर Oxygen का इंतज़ाम कर रहा था। लोगों को ऑक्सिजन दिलाने के लिए मैं लड़ा, गिड़गिड़ाया

लोगों ने ऑक्सिजन की कमी से अपनों को खोया है। उन्हें झूठा मत कहिए, उन्हें बहुत बुरा लग रहा है

— Arvind Kejriwal (@ArvindKejriwal) June 25, 2021

‘माझा गुन्हा हा आहे की मी दोन कोटी नागरिकांच्या श्वासांसाठी लढलो. जेव्हा आपण (पंतप्रधान नरेंद्र मोदी) पश्चिम बंगालसह इतर राज्यांत निवडणुकीच्या प्रचारात व्यस्त होतात. तेव्हा मी रात्रभर जागून ऑक्सिजनची तडजोड करत होतो. कोरोनाग्रस्त रुग्ण आणि इतर आजारांनी ग्रासलेल्या नागरिकांना ऑक्सिजन मिळावा यासाठी मी भांडलो, हात जोडले. ऑक्सिजनअभावी अनेकांनी त्यांच्या जवळच्या लोकांना गमावले आहे. त्यांना खोटारडे म्हणू नका. त्यांना खूप वाईट वाटतेय’ असे आवाहन केजरीवाल यांनी केलेय.

काय म्हटले आहे कथित अहवालात?
सर्वोच्च न्यायालयासमोर दाखल करण्यात आलेल्या अहवालामध्ये दिल्ली सरकारने १४०० मेट्रीक टन ऑक्सिजन वापरण्यात आल्याचा दावा केला असला तरी ही आकडेवारी प्रत्यक्षात वापरण्यात आलेल्या ऑक्सिजनच्या चौपट असल्याचं म्हटलं आहे. बेड उपलब्धतेच्या सुत्रानुसार हा गोंधळ दिसून येत असल्याचं सांगण्यात आलं आहे. दिल्लीमधील बेड्सच्या उपलब्धतेनुसार २८९ मेट्रीक टन ऑक्सिजन वापरला गेल्याचं सांगण्यात आलंय.

महत्त्वाच्या बातम्या

• ‘अस्तित्वात नसलेल्या अहवालावरून भाजपच्या केजरीवालांना विनाकारण शिव्या’
• ‘फटाके फुटायला सुरुवात झालीये, लिस्ट बरीच मोठी आहे!’
• ‘कलम ३७० आमची ओळख, त्यासाठी सदैव लढा देणार’ मेहबूबा मुफ्तींची प्रतिक्रिया
• डेल्टा प्लस व्हेरियंट संदर्भात राहुल गांधींनी मोदी सरकारला विचारले ‘हे’ प्रश्न
• ‘तो काळा दिवस विसरता येणार नाही’, आणीबाणीवरून मोदींचा काँग्रेसवर हल्लाबोल