काँग्रेसनं डोळे वटारताच शिवसेनेची भाषा बदलली हे नामांतर काय करणार?- केशव उपाध्ये

🕒 1 min read

मुंबई:- मराठवाड्याची राजधानी अशी ओळख असलेल्या औरंगाबाद शहराचं नामांतर करुन या शहराला संभाजीनगर हे नाव देण्याची शिवसेनेची आग्रही मागणी आहे. मात्र, गेल्या 5 वर्षे शिवसेना सत्तेत असतानाही आणि विशेष म्हणजे गेल्या वर्षभरापासून शिवसेना पक्षप्रमुख उद्धव ठाकरे हेच राज्याचे मुख्यमंत्री असतानाही औरंगाबादचे संभाजीनगर झाले नाही.

औरंगाबादच्या नामांतरावरून भाजप नेते शिवसेनेवर जोरदार टीका करत आहे. काँग्रेस प्रदेशाध्यक्ष आणि महसूलमंत्री बाळासाहेब थोरात यांना प्रश्न विचारण्यात आला होता. त्यावर, बोलताना आमचा त्यास विरोध असल्याचं थोरात यांनी ठामपणे सांगितलं आहे. काँग्रेस पाठोपाठ राष्ट्रवादी काँग्रेसने देखील नामांतराला विरोध केला आहे. त्यामुळे, संभाजीनगर व्हावे अशी मागणी करणाऱ्या व राज्यासह औरंगाबाद महापालिकेत सत्तेत असलेल्या शिवसेनेची मात्र मोठी कोंडी झाली आहे.

दरम्यान, काल राज्य मंत्रिमंडळाच्या निर्णयाची माहिती देताना मुख्यमंत्र्यांच्या ट्विटर अकाउंटवर औरंगाबादचा उल्लेख ‘संभाजीनगर’ असा करण्यात आला होता. त्यावरून काँग्रेसनं तीव्र नाराजी व्यक्त केली. काँग्रेसचे मंत्री अस्लम शेख यांनी याबद्दल वृत्तवाहिन्यांशी बोलताना खुलासा केला. ‘टाइप करताना कधीतरी चूक होत असते. मुख्यमंत्री कार्यालयाचं ट्विटर हँडल चालवणाऱ्या व्यक्तीला समज देण्यात येईल, असं त्यांनी सांगितलं. त्यावरून महाराष्ट्र भाजपचे प्रवक्ते केशव उपाध्ये यांनी शिवसेनेला टोला हाणला आहे.

‘काँग्रेसनं ठणकावलं की लगेच शिवसेनेनं साष्टांग दंडवत घातले. साधं ट्विटरवर संभाजीनगर म्हणू शकत नाही? काँग्रेसनं डोळे वटारताच संभाजीनगरचा उल्लेख करणाऱ्याला समज देण्याची भाषां? हे नामांतर काय करणार?,’ असं सवाल उपाध्ये यांनी केला आहे.

कॅाग्रेसने ठणकावल की लगेच शिवसेनेचा साष्टांग. साध ट्वीटरवर संभाजीनगर म्हणू शकत नाही, कॅाग्रेसने डोळे वटारताच संभाजी नगरचा उल्लेख करणाऱ्याला समज देण्याची भाषां हे नामांतर काय करणार? https://t.co/SIwGJ7XVd4

— Keshav Upadhye (@keshavupadhye) January 7, 2021

महत्वाच्या बातम्या

• ट्रम्प यांचे मित्र मोदी हे भारतीय लोकांचे विभाजन आणि राज्यघटना बिघडवण्याचा प्रयत्न करत आहेत : सिंह
• ऑनलाइन फ्रॉडसंदर्भात राष्ट्रीय ग्राहक आयोगाचा महत्वपूर्ण निर्णय !
• ‘मुख्यमंत्र्यांच्या अधिकृत ट्विटर अकाउंटवरील “संभाजीनगर” उल्लेखाबद्दल समज देऊ’
• आपल्या गायकीमुळे चर्चेत असणाऱ्या अमृता फडणवीस यांचं नवीन गाणं रिलीज
• ‘मालकीण इटालियन असलेल्या थोरातांनी बाबर खानदानावर असलेली काँग्रेसची वादातीत निष्ठा सिद्ध केली’