ट्रम्प यांचे मित्र मोदी हे भारतीय लोकांचे विभाजन आणि राज्यघटना बिघडवण्याचा प्रयत्न करत आहेत : सिंह

नवी दिल्ली : अमेरिकेतील राष्ट्राध्यक्ष पदाच्या निवडणुकीवर सुरु असलेला वितंडवाद आज टोकाला गेलेला पहायला मिळाला. डोनाल्ड ट्रम्प यांच्या समर्थकांनी व्हाईट हाऊस आणि कॅपिटल बिल्डींगच्या बाहेर जमून आत घुसून मोठा गोंधळ घातला आहे.

अमेरिकेच्या राष्ट्राध्यक्ष पदासाठी घेण्यात आलेल्या निवडणूक निकालांबाबत तेथील संसदेची बैठक बोलावण्यात आली होती. या बैठकीत इलेक्टोरल कॉलेजबाबत चर्चा सुरु होती. बैठकीत जो बायडन यांच्या विजयाची घोषणाही केली जाणार होती. पण, त्याचवेळी ट्रम्प समर्थक कॅपिटल बिल्डिंगमध्ये घुसले, ज्यामुळं संसदेचं कामकाज थांबवावं लागलं. ट्रम्प समर्थकांनी कॅपिटल बिल्डिंगबाहेर एकच गोंधळ घातला.

दरम्यान, क्षणार्धातच या आंदोलनाला हिंसक स्वरुप प्राप्त झालं. अमेरिकेच्या इतिहासात पहिल्यांदा अशी घटना घडली आहे. या धुमश्चक्रीत एका आंदोलक महिलेचा मृत्यू देखील झाला आहे. या घटनेनंतर वॉशिंग्टन डिसीमध्ये कर्फ्यू लावण्यात आला आहे.

या घटनेवर जगभरातून प्रतिक्रिया येत आहेत. यावर काँग्रेसचे नेते दिग्विजय सिंह यांनी भाष्य केले आहे. डोनाल्ड ट्रम्प अमेरिकेत जे करत आहेत, तेच काम पंतप्रधान नरेंद्र मोदी भारतात करत आहेत, असा टोला दिग्विजय सिंह यांनी ट्विटरच्या माध्यमातून लगावला आहे.

अमेरिकेचे माजी राष्ट्राध्यक्ष बिल क्लिंटन यांच्या ट्विटला रिट्विट करत दिग्विजय सिंह म्हणाले, बिल क्लिंटन, आम्ही तुमचे विचार शेअर करतो. ट्रम्प अमेरिकेत जे काय करत आहेत, तेच त्यांचे मित्र मोदी भारतात करत आहेत. भारतीय लोकांचे विभाजन आणि भारतीय राज्यघटना बिघडवण्याचा त्यांचा हेतू आहे.

महत्वाच्या बातम्या

• पोलीस भरतीबाबत शुद्धी परिपत्रक काढणार; अनिल देशमुखांनी ग्वाही दिल्याचा मेटेंचा दावा
• सिंधुताईंच्या मदर ग्लोबल फाउंडेशनला मिळणार सामाजिक न्यायच्या अनुदानित वसतिगृहाची साथ
• ‘मर्द असाल तर वडिलांचं स्वप्न पूर्ण करा, अन्यथा काय ते सर्टिफिकेट आम्ही देऊ’
• राज्यातील 31 डिसेंबर 2020 पर्यंतची गुंठेवारी नियमित केली जाणार; सर्वसामान्यांना घरांसाठी होणार लाभ 
• ग्रामीण भागातील रस्ते आता दर्जेदार होणार; केंद्र सरकारशी सामजंस्य करारास मान्यता