वर्ध्यातील अवैध गर्भपात प्रकरणी अखेर डॉ. कदम यांना अटक

वर्धा: आर्वी येथील गर्भपात प्रकरणानंतर आता दररोज नवनवीन खुलासे होत आहेत. गेल्या तीन दिवसापासून सुरु असलेल्या धाड सत्रात रोज नवनवीन पुरावे पोलिसांच्या हाती लागत आहेत. त्यात आता कदम हॉस्पिटलचे डॉ. कदम यांना पोलिसांनी अटक केली असल्याची माहिती समोर आली आहे. १५ जानेवारी रोजी रात्री उशिरा डॉ. कदम (Dr. Kadam) यांना तब्यात घेण्यात आले आहे.

या रुग्णालयात काही दिवसांपूर्वी एका अल्पवयीन मुलीचा गर्भपात करण्यात आला होता. हा प्रकार उघडीस आल्यानंतर मुलीच्या आई व वडिलांसह गर्भपात करणाऱ्या डॉ. रेखा कदम (Dr. Rekha Kadam) आणि दोन परिचारिका अशा एकूण पाच जणांना पोलिसांनी अटक केलं होतं. आता याच प्रकरणात मध्यरात्री डॉ. नीरज कदम (Dr. Neeraj Kadam) यांना पोलिसांनी अटक केलं आहे. या अटकेमुळे वैद्यकीय क्षेत्रात एकच खळबळ माजली आहे.

डॉ. रेखा कदम यांची पोलीस कोठडीत चौकशी करण्यात येत आहे. त्यांनी आतापर्यंत दिलेल्या माहितीवरुन पोलिसांनी १२ जानेवारी रोजी रुग्णालय परिसरातील बायोगॅस चेंबरमध्ये १३ वर्षीय अल्पवयीन मुलीच्या गर्भपाताचे भ्रुण शोधण्यासाठी तपासणी केली. याच दरम्यान पोलिसांना त्याच चेंबरमध्ये १२ कवट्या आणि ५४ हाडं आढळून आली. त्यानंतर पोलिसांनी डॉ. रेखा कदम यांना सहकार्य करणाऱ्या दोन परिचारिकांनाही अटक केली आहे.

महत्वाच्या बातम्या:

• ‘अशा प्रवृत्तीला आमच्या हद्दीत प्रवेश नाही’, गुळूंब ग्रामपंचायतीचे ‘स्टार प्रवाह’ला पत्र

• ‘शरद पवारांबद्दल बोलताना तारतम्य बाळगावे’; अजित पवार यांचा फडणवीसांवर निशाणा

• विराट कोहलीने कसोटी संघाचेही कर्णधारपद सोडले, सोशल मीडियावर भावूक पोस्ट करत म्हणाला…

• धोनीनंतर ‘हा’ खतरनाक खेळाडू होणार CSKचा कर्णधार? ३ वेळा जिंकली आहे आयपीएल ट्रॉफी 

• सलमान खानचं शेजाऱ्याशी भांडण; वाद गेला थेट कोर्टात