विराट कोहलीने कसोटी संघाचेही कर्णधारपद सोडले, सोशल मीडियावर भावूक पोस्ट करत म्हणाला…

दक्षिण आफ्रिकेतील कसोटी मालिका गमावल्यानंतर भारतीय कसोटी कर्णधार विराट कोहलीने धक्कादायक निर्णय घेतला. कोहलीने तात्काळ प्रभावाने कसोटी कर्णधारपद सोडण्याची घोषणा केली. ट्विटरवर एका पोस्टमध्ये कोहली म्हणाला, “मला संधी दिल्याबद्दल धन्यवाद. मी ७ वर्षे संघासाठी काम केले. प्रामाणिकपणे मी माझे काम केले आहे.”

ट्विटरवर एक लांबलचक पोस्ट शेअर करत विराट कोहलीने महेंद्रसिंग धोनी आणि इतर सर्वांचे आभार मानले आहेत. कर्णधार म्हणून संधी दिल्याबद्दल त्याने बीसीसीआयचेही आभार मानले आहेत. विराट कोहलीने या पोस्टमध्ये अनेक गोष्टी लिहिल्या आहेत.

यापुढे कोहली तिन्ही फॉरमॅटमध्ये संघाचा कर्णधार असणार नाही. एक खेळाडू म्हणून तो संघाशी जोडला जाईल. कसोटी कोहली कर्णधारपद सोडेल अशी अपेक्षाही कोणी केली नसेल. त्याने भारतीय संघासाठी चांगली कामगिरी केली आहे.

???????? pic.twitter.com/huBL6zZ7fZ

— Virat Kohli (@imVkohli) January 15, 2022

कोहलीने आपल्या पोस्टमध्ये म्हटले आहे की, “सर्व काही एका क्षणी थांबते आणि कसोटी कर्णधार म्हणून माझ्यासाठी तो क्षण आला आहे. या प्रवासात अनेक चढ-उतार आले आहेत. प्रत्येक गोष्टीत माझे १२० टक्के देण्यावर माझा विश्वास आहे. मी तसे करू शकलो नाही तर ते संघासाठी चांगले नाही. मी माझ्या मनाने स्पष्ट आहे आणि संघाशी अप्रामाणिक असू शकत नाही.”

कोहलीने पुढे लिहिले की, “मला इतक्या दीर्घकाळ देशाचे नेतृत्व करण्याची संधी दिल्याबद्दल मी बीसीसीआयचे आभार मानतो. माझ्या मनात असलेल्या आणि कधीही हार न मानणाऱ्या संघासाठी एक दृष्टी आणणाऱ्या सर्व खेळाडूंचेही आभार. मला संघाचे नेतृत्व करण्याची संधी दिल्याबद्दल बीसीसीआयचे आभार. रवी भाईंचेही आभार मानू इच्छितो. सरतेशेवटी, मी महेंद्रसिंह धोनीचे आभार मानू इच्छितो ज्याने कर्णधार म्हणून माझ्यावर विश्वास ठेवला आणि वैयक्तिकरित्या मला संघाला पुढे नेण्यासाठी योग्य व्यक्ती मानले.”

महत्वाच्या बातम्या :

• धोनीनंतर ‘हा’ खतरनाक खेळाडू होणार CSKचा कर्णधार? ३ वेळा जिंकली आहे आयपीएल ट्रॉफी 

• दरवर्षी अनुभवायला मिळणार भारत-पाकिस्तान मॅचचा थरार?, PCB अध्यक्ष रमीझ राजा ICCला म्हणाले…

• “भारतीय संघाला…”; दक्षिण आफ्रिकेविरुद्ध पराभवानंतर पाकिस्तानच्या माजी कर्णधाराचे मोठे वक्तव्य

• रोहित शर्माचा नवा लूक पाहून तुम्हीही व्हाल हैराण; चाहत्यांकडून कमेंट्सचा वर्षाव

• क्रिकेटपटू शाहिद आफ्रिदीला फ्लाईटमध्ये भेटली अभिनेत्री उषाना शाह, म्हणाली…