मैदानावर पुन्हा दिसणार सेहवाग-युवराजची फटकेबाजी!

🕒 1 min read

ओमान क्रिकेट स्टेडियमवर २० जानेवारीपासून लिजेंड्स लीग क्रिकेट २०२२ सुरू होणार आहे. ही स्पर्धा तीन संघांमध्ये खेळली जाईल, ज्यामध्ये इंडिया महाराजा, एशिया लायन्स आणि वर्ल्ड जायंट्स हे संघ असतील. या संघात माजी क्रिकेटपटू सहभागी होतील. त्यामुळे मैदानावर पुन्हा दिसणार सेहवाग-युवराजची फटकेबाजी दिसणार आहे.

लिजेंड्स लीग क्रिकेटमध्ये तिन्ही संघ एकमेकांविरुद्ध दोन सामने खेळतील आणि अव्वल दोन संघ अंतिम फेरीत पोहोचतील. तिन्ही संघांच्या खेळाडूंची घोषणा करण्यात आली असून, यामध्ये ब्रेट ली, केव्हिन पीटरसन आणि डॅनियल व्हिटोरीसारखे दिग्गज खेळाडू जागतिक दिग्गज संघाकडून खेळताना दिसणार आहेत.

या स्पर्धेचा अंतिम सामना २९ जानेवारीला होणार आहे. या स्पर्धेची सुरुवात इंडिया महाराजा विरुद्ध आशिया लायन्स अशी होणार आहे. तसेच वर्ल्ड जायंट्स पहिला सामना आशिया लायन्स विरुद्ध २१ जानेवारी रोजी होणार आहे. इंडिया महाराजा संघात वीरेंद्र सेहवाग, युवराज सिंग, हरभजन सिंग, इरफान पठाण, युसूफ पठाण हे खेळणार आहेत.

इंडिया महाराजा संघ

वीरेंद्र सेहवाग, हरभजन सिंग, युवराज सिंग, इरफान पठाण, युसूफ पठाण, एस बद्रीनाथ, आरपी सिंग, प्रज्ञान ओझा, नमन ओझा, मनप्रीत गोनी, हेमांग बदानी, वेणुगोपाल राव, मुनाफ पटेल, संजय बांगर, नयन मोंगिया, अमित भंडारी.

महत्वाच्या बातम्या:

• “तू नेहमीच माझा…”; विराट कोहलीसाठी मोहम्मद सिराजची भावनिक पोस्ट
• IPL 2022 : हार्दिक पंड्यासह ३ दिग्गज खेळाडूंचा अहमदाबाद संघात समावेश
• अक्षयचा ‘बच्चन पांडे’ चित्रपट होणार चित्रपटगृहांमध्ये प्रदर्शित; जाणून घ्या तारीख
• ठाण्यात शिवसेना-राष्ट्रवादीत जुंपली; जितेंद्र आव्हाड म्हणतात…
• अनिल देशमुखांच्या अडचणीत वाढ; विशेष न्यायालयाने फेटाळला जामीन अर्ज