मुंबई: देशात कोरोनाच्या संकटामुळे रुग्णालयात ऑक्सिजन आणि बेडचा तुटवडा असल्याने अनेकांचा यामुळे मृत्यू झाला. या परिस्थितीत अनेक बॉलिवूड कलाकार कोरोनाग्रस्तांच्या मदतीसाठी पुढे आले. काही कलाकार बेड आणि ऑक्सिजनचा पुरवठा करत आहेत. काही कलाकार सोशल मीडियाच्या माध्यमातून गरजूंची मदत करण्याचा प्रयत्न करत आहेत. आता बॉलिवूड अभिनेत्री अनुष्का शर्मा आणि भारतीय क्रिकेटपटू विराट कोहली हे कोरोना रुग्णांच्या मदतीसाठी पुढे आले आहेत.
As our country battles the second wave of Covid-19, and our healthcare systems are facing extreme challenges, it breaks my heart to see our people suffering.
So, Virat and I have initiated a campaign #InThisTogether, with Ketto, to raise funds for Covid-19 relief. pic.twitter.com/q71BR7VtKc
— Anushka Sharma (@AnushkaSharma) May 7, 2021
विराट आणि अनुष्का एका संस्थेमार्फत कोरोनाग्रस्तांसाठी पैसे जमा करण्याचं काम करत आहेत. हे पैसे गरजूंच्या उपचारासाठी खर्च केले जाणार आहेत. ट्विटरवर एक व्हिडीओ पोस्ट करत अनुष्काने लिहिले की, ‘आपला देश सध्या कोरोनाच्या दुसऱ्या लाटेसोबत लढत आहे. आपल्या आरोग्य यंत्रणादेखील खूप अडचणींचा सामना करत आहेत.’
तसेच पुढे ती म्हणाली की, ‘आपल्याच लोकांना असं त्रासलेलं आणि ऑक्सिजनशिवाय तडफडताना पाहून आमचं मन तुटत आहे. त्यामुळे मी आणि विराटने मिळून एक उपक्रम सुरू केला आहे.’ असे सांगत त्यांनी लोकांना त्यांच्या क्षमतेनुसार पैसे दान करण्याचं आवाहन देखील केलं आहे. जेणकरून जास्तीत जास्त जमा झालेली रक्कम कोरोना रुग्णांच्या मदतीसाठी उपयोगाची ठरू शकेल.
महत्वाच्या बातम्या
- ‘नवाब मलिक, तुमचे गृहखाते टोपी पाहून कारवाईचा निर्णय घेते का?’
- ‘मोदींकडून लोकशाहीच्या तत्वांची थट्टा सुरू’, पी. चिदंबरम यांचा आरोप
- पोलीस रस्त्यावर असतानाही औरंगाबादेतून वाहनांची चोरी सुरूच
- जनजागृतीसाठी जिल्हाधिकाऱ्यांनी स्वत: केले रक्तदान, नागरिकांनी पुढाकार घेण्याचे आवाहन
- नागपूरच्या हक्काचे चार ऑक्सिजन टँकर्स गुजरातला नेण्याचा प्रयत्न फसला
