उत्तर प्रदेश हे आता ‘नाथांचे नसून अनाथांचे राज्य’

मुंबई : २०१४ च्या सार्वत्रिक निवडणुकीत भाजपने ज्या ‘गुजरात मॉडेल’चा डंका पिटवून देशातील सत्ता काबीज केली त्याच गुजरातमध्ये कोरोनाची दुसरी लाट बेफिकीरपणे हाताळल्याने प्रसारमाध्यमांनी खरी वस्तुस्थिती मांडत सरकारचे वाभाडे काढले. तसेच गुजरात उच्च न्यायालयानेही नाराजी व्यक्त करीत खडे बोलही सुनावले. यामुळे गुजरातचे ‘अकार्यक्षम मॉडेल’च आता देशापुढे उघड झाले आहे, अशी टीका काँग्रेसचे राष्ट्रीय पॅनल प्रवक्ते अनंत गाडगीळ यांनी केली.

उत्तर प्रदेशात एकीकडे एका मैदानात सामुदायिकरीत्या शेकडो प्रेतांना अग्नी दिला जात असल्याची छायाचित्रेच परदेशी वर्तमानपत्रांनी प्रसिद्ध केली, तर दुसरीकडे पवित्र गंगेतून प्रेत वाहत असल्याची दृश्ये सोशल मीडियावर व्हायरल झाली. उत्तर प्रदेश हे आता ‘नाथांचे नसून अनाथांचे राज्य’ बनत चालले असल्याचे गाडगीळ यांनी म्हटले आहे.

गोव्यामध्ये ऑक्सिजनअभावी शेकडो लोक मृत्युमुखी पडले आहेत. कर्नाटकमध्ये तर स्थिती इतकी हाताबाहेर गेली आहे की बंगळुरू शहरात महापालिकेला एकूण १३ पैकी आता ७ स्मशानभूमी या ‘कोरोना मृतांसाठी राखीव’ ठेवाव्या लागल्या आहेत. गेल्या महिन्याभरातील वरील राज्यांतर्गत परिस्थितीच्या सर्वेक्षणानंतर भाजपची सरकारे असलेल्या राज्यातच ‘मोदी मॉडेल’चा फज्जा उडाला असल्याची टीका गाडगीळ यांनी केली आहे. त्यामुळे या राज्यांना आता आत्मपरीक्षण करण्याची गरज असल्याचे गाडगीळ यांनी या वेळी बोलताना सांगितले.

महत्त्वाच्या बातम्या

• मराठा आरक्षणाअभावी शिक्षणाची संधी हुकली; धुळ्यात विद्यार्थ्याची आत्महत्या
• ठरलं तर ! ‘या’ तारखेला होणार भव्य मराठा आरक्षण मोर्चा
• देवमाणूस : कोरोनामुळे मृत्यू झालेल्या कर्मचाऱ्यांच्या कुटुंबियांना देणार रतन टाटा आधार
• चित्रपटात भूमिकेसाठी फोन केलेल्या दिग्दर्शकाला गागुंलीने दिले ‘असे’ उत्तर
• वर्ल्ड टेस्ट चॅम्पियनशीपमध्ये जडेजा असेल एक्स फॅक्टर ; इंग्लंडच्या ‘या’ दिग्गजाची भविष्यवाणी