अमेरिकेने लसीच्या निर्यातीवरील निर्बंध हटवले, भारतात लसींचे उत्पादन वाढणार

🕒 1 min read

नवी दिल्ली : अमेरिकेने अॅस्ट्राझेनेका, नोव्हावॅक्स आणि सनोफीवर लागू असलेले निर्बंध हटवले आहेत. यामुळे लसनिर्मिती करणाऱ्या कंपन्यांना या उत्पादनासाठी पुरेशी साधने व कच्चा माल उपलब्ध होऊ शकणार आहे. शिवाय, भारतासह इतर देशांना लसीच्या निर्मितीसाठी लागणारा कच्चा मालही उपलब्ध होऊ शकणार आहे. यामुळे लसीचे उत्पादन वाढू शकेल.

याबद्दल सीरम इन्स्टिट्यूट ऑफ इंडियाचे सीईओ अदर पूनावाला यांनी अमेरिकेचे अध्यक्ष जो बायडेन आणि भारताचे परराष्ट्रमंत्री एस. जयशंकर यांचे लसीसंबंधीच्या धोरणात बदल केल्याबद्दल आभार मानले आहेत.

Thanks to the efforts of @POTUS, @WhiteHouse, & @DrSJaishankar, this policy change will hopefully increase the supply of raw materials globally and to India; boosting our vaccine production capacity and strengthening our united fight against this pandemic. https://t.co/bHADBwiUnm

— Adar Poonawalla (@adarpoonawalla) June 4, 2021

शुक्रवारी सोशल मीडियावर सीरम इन्स्टिट्यूट ऑफ इंडियाचे सीईओ पूनावाला यांनी म्हटले आहे की, या नव्या धोरणामुळे जागतिक पातळीवर तसेच भारताला कच्च्या मालाचा पुरवठा वाढणार आहे. त्यामुळे या महामारीविरुद्धचा लढा अधिक बळकट होऊ शकेल.

सीरम देशात कोविशील्ड या लसीचे उत्पादन करत आहे. दरम्यान, सीरमला आता स्पुटनिक-व्ही या लसीच्या उत्पादनाचीही परवानगी मिळाली आहे. डीसीजीआयने शुक्रवारी ही मंजुरी दिली आहे.

महत्त्वाच्या बातम्या

• ‘पोलिसांनी कायदा, सुव्यवस्था ढासळणार नाही याकडे लक्ष द्यावे’, बंदी असतानाही मोर्चा काढणाऱ्या आ.मेटेंचे आवाहन
• महाराष्ट्र अनलॉक! जाणून घ्या तुमचा जिल्हा कधी अनलॉक होणार आणि काय सुरू होणार?
• राज्य सरकारकडून अधिकृत नियमावली जाहीर, सोमवारपासून महाराष्ट्रात अनलॉक प्रक्रिया सुरू
• ‘पुजारा किंवा पंत असलेला संघ यशस्वी होऊ शकत नाही’
• पंजाबमध्ये अमरिंदर सिंह विरुद्ध सिद्धू वाद चिघळला; निवडणुकीपूर्वी काँग्रेसमध्ये घमासान