वैष्णवदेवी मंदिरातील दुर्घटना अत्यंत दु:खद-नारायण राणे

🕒 1 min read

मुंबई : जम्मू मधील माता वैष्णोदेवी मंदिर परिसरात चेंगराचेंगरी झाल्याची धक्कदायक घटना घडली आहे. आज नवीन वर्षाच्या सुरुवातीलाच ही घटना घडल्याने शोक व्यक्त करण्यात येत आहे. या घटनेत १२ जणांचा चेंगराचेंगरीत मृत्यू झाला आहे. तर २० भाविक जखमी झाले आहेत. त्यामुळे देशभरातून हळहळ व्यक्त केली जात आहे. यावर केंद्रीय सुक्ष्म, लघु आणि मध्यम उद्योग मंत्री नारायण राणे यांनी ट्विट करत शोक व्यक्त केला आहे.

नारायण राणे म्हणाले, ‘माता वैष्णव देवी मंदिरात झालेल्या दुर्घटनेची बातमी अतिशय दु:खद आहे. जखमी भाविक आणि त्यांच्या कुटुंबियांप्रती मी शोक व्यक्त करतो. ॐ शांति’, असे ट्विट नारायण राणे यांनी केले आहे.

माता वैष्णो देवी मंदिर में हुई दुर्घटना की खबर अत्यंत दु:खद है। हताहत श्रद्धालुओं और उनके परिजनों के प्रति संवेदना व्यक्त करता हूं। ॐ शांति

— Narayan Rane (@MeNarayanRane) January 1, 2022

दरम्यान जखमींवर नारायण रुग्णालयात उपचार सुरु असून ही चेंगराचेंगरी अतिशय भीषण असल्यामुळे मृतांचा आकडा वाढण्याची शक्यता व्यक्त करण्यात येत आहे. याठिकाणी बचाव पथक तसेच जवान यांच्याकडून बचावकार्य केले जात आहे. मात्र या घटनेवरून अनेक प्रश्नही उपस्थित केले जात आहे. या भागात ५० हजार भाविक जमल्याची माहिती समोर येत आहे. त्याचे नियोजन करण्यात न आल्याने ही घटना घडली असल्याची शक्यता वर्तवण्यात येत आहे.

वैष्णो देवी यात्रेच्या नियोजनाबाबत प्रश्न उपस्थित केला जात असतानाच जखमींना तसेच मृतांना मदतीची घोषणाही करण्यात आली आहे. मृतांना १० लाख तर जखमींना २ लाखांची मदत देण्याची घोषणा करण्यात आली आहे. या घटनेवर पंतप्रधान नरेंद्र मोदी यांनी शोक व्यक्त केला आहे. तर “माता वैष्णो देवी तीर्थक्षेत्रातील दुर्घटनेमुळे उद्भवलेल्या परिस्थितीचा आढावा घेण्यासाठी मी तातडीने कटरा येथे जात आहे’, असे ट्विट केंद्रीय मंत्री डॉ. जितेंद्र सिंह यांनी केले आहे.

महत्वाच्या बातम्या

• ‘नव्या वर्षात कोरोनाची साथ सरावी आणि जगण्यासाठी प्रत्येकालाच बळ मिळावे’
• जम्मूमध्ये वैष्णोदेवी मंदिर परिसरात चेंगराचेंगरी, १२ जणांचा मृत्यू
• ‘कोरेगाव भीमाचा इतिहास महाराष्ट्राच्या त्यागाचा, शौर्याचा, पराक्रमाचा इतिहास आहे’
• १५ ते १८ वर्ष वयोगटातील मुलांच्या लसीकरणासाठी आजपासून रजिस्ट्रेशन सुरु
• आरोग्यदायी, समृद्ध महाराष्ट्र आणि बलशाली भारत घडवण्यासाठी एकजूट होऊया- मुख्यमंत्री ठाकरे