वर्तमान पत्र विक्रेत्याला मारहाण प्रकरणी तीघे ताब्यात

औरंगाबाद : वर्तमान पत्र वितरणाचे काम करणाऱ्या एका युवकाला आकाशवाणी रस्त्यात अडवून तिघांनी मारहाण केल्याची घटना गुरूवारी (दि.२०) घडली असून याप्रकरणी तीन जणांना ताब्यात घेण्यात आले आहे.

रविवाराज अशोक महानिर (२२), आकाश गात (२१) दोघे रा.बायजीपुरा, ऋषीकेश वेताळ (२१, रा.कैलासनगर) असे ताब्यात घेतलेल्या आरोपींची नावे असून अक्षय किसन वैद्य (२२, रा.संजयनगर, बायजीपूरा) असे घटनेतील पिडीत युवकाचे नाव असून तो एमकॉम मध्ये शिक्षण घेत असतांनाच वर्तमानपत्र वाटण्याचेही काम करतो.

गुरूवारी सकाळी ५.३० वाजेच्या सुमारास अक्षय वैद्य हा त्याचा मित्र अनिल देशमुख याच्यासोबत आकाशवाणी येथील सोनपरी गोल्ड दुकानासमोर पेपर वाटत होता. या ठिकाणी तीन अनोळखी युवक भेटली व एकाने अक्षय याला सांगितले कि, तु माझ्या बायकोला मॅसेज करतो म्हणत त्याला मारहाण करण्यास सुरवात केली. यावेळी सोबतच्या अनिल देशमुख याने पोलिसांकडे धाव घेतल्याने पोलिसांनी तत्काळ कारवाई करून मारहाण करणाऱ्या तिघांना ताब्यात घेतले.

महत्वाच्या बातम्या

• ‘फोटोसेशन नव्हे तर मदतीसाठी आलोय’, रत्नागिरी दौऱ्यात मुख्यमंत्र्यांचा विरोधकांना टोला
• ‘..म्हणून झक मारत मुख्यमंत्री ठाकरेंना कोकणात यावे लागले’, निलेश राणेंची जहरी टीका
• ‘भारत जागतिक अर्थव्यवस्थेला बळकटी देऊ शकतो’, परराष्ट्रमंत्री एस.जयशंकर यांचे मत
• कोरोना आटोक्यात कसा येणार? देशातील निम्मे लोक मास्कच वापरत नाहीत
• पंतप्रधान मोदींकडून हिवरेबाजारच्या कोरोना प्रतिबंधक कामांची दखल