मुंबई : अभिनेता कमाल रशिद खान नेहमी त्याच्या वक्तव्यामुळे चर्चेत असतो. मात्र त्याच्या या वक्तव्यामुळे तो अनेकवेळा अडचणीत देखील सापडला आहे. मध्यंतरी रशिद खान याच्यावर ‘राधे’ चित्रपटाच्या रिव्ह्यू संदर्भात अभिनेता सलमान खानने मुंबई कोर्टात मानहानीचा दावा केला. यासंदर्भात अभिनेता कमाल रशिद खानला नोटीस पाठवण्यात आली. त्या नंतर सर्वत्र या प्रकरणाची चर्चा सुरु झाली. आता केआरके आणि मिका सिंगमध्ये सुरु असलेल्या वादामुळे ते सोशल मीडियावर चर्चेत आहे.
काही दिवसांपूर्वी मिकाने केआरकेवर एक गाणं बनवलं होतं. त्या गाण्यावरून केआरकेने मिका सिंग विरोधात मुंबई पोलिस आणि मुंबई पोलिस आयुक्तांकडे तक्रार केली आहे. या गाण्यात मिकाने त्याच्या फोटोंशी छेडछाड केल्याचे केआरकेने म्हटले आहे. याविषयी केआरकेने ट्वीट करत मुंबई पोलिसांकडे तक्रार केली आहे.
Respected @MumbaiPolice @CPMumbaiPolice Please note @mikaSingh has morphed my pics and released a full video few days ago. Now he is threatening to release a video with morphed photos of my 14 years old daughter. I have all his SMS as a record. Please register my #FIR. pic.twitter.com/Hypz0LNNwK
— KRK (@kamaalrkhan) June 15, 2021
केआरकेने ट्वीटमध्ये म्हटले आहे की, ‘आदरणीय मुंबई पोलिस आणि मुंबई पोलिस आयुक्त, कृपया या कडे लक्ष द्या मिका सिंगने माझ्या फोटोंशी छेडछाड केली आहे आणि त्याचे गाणे प्रदर्शित केले आहे. आता तो माझ्या १४ वर्षाच्या मुलीच्या फोटोंशी छेडछाड करत गाणं प्रदर्शित करण्याची धमकी देत आहे. माझ्याकडे त्याचे सर्व मेसेजेस आणि रेकॉर्ड आहेत. कृपया माझी एफआयआर नोंदवून घ्या’, असे ट्वीट केआरकेने केले आहे.
मिकाच्या एका फॅन क्लबने ‘केआरके कुत्ता है’ या गाण्याचा ट्रेलर प्रदर्शित केला आहे. हा व्हिडीओ शेअर करत “मित्रांनो हे गाणं कसं वाटलं,” अशा आशयाचं ट्वीट केलं होते. हा टिझर शेअर करत हे गाणं ११ जूनला प्रदर्शित होणार असल्याचे सांगितले. मिकाचा हा व्हिडीओ सोशल मीडियावर प्रचंड व्हायरल झाला होता.
महत्त्वाच्या बातम्या
- कधी होणार महाराष्ट्रात CET परीक्षा ? उदय सामंतांनी दिली महत्त्वाची माहिती
- ‘डिस्को डान्सर’ मिथुन चक्रवर्ती यांचे ७१व्या वर्षात पदार्पण
- मोठी बातमी : मूक आंदोलनातील लोकप्रतिनिधींच्या भाषणबाजीवर मराठा क्रांती मोर्चा नाराज !
- कोरोना नियमांवरून राष्ट्रवादीच्या कार्यक्रमातच मंत्री शिंगणेंकडून कार्यकर्त्यांना कानपिचक्या
- याहीवर्षी राज्यभरात भरणार मोबाईलमध्येच शाळा
बातम्यांसाठी YouTube चॅनेल Subscribe करा
Subscribe Now
