अकोला : पक्षाचे कार्यक्रम घेताना कोविड नियमांचे काटेकोरपणे पालन करणे गरजेचे आहे. तसेच सर्व नियोजन करूनच कार्यक्रम घ्यावा, असे प्रतिपादन अन्न व औषध प्रशासन मंत्री डॉ. राजेंद्र शिंगणे यांनी केले. मूर्तिजापूर येथे आयोजित राष्ट्रवादी काँग्रेस पार्टीच्या वर्धापन दिनानिमित्त आयोजित कोरोना योद्धांच्या सत्कार कार्यक्रमाप्रसंगी ते बोलत होते.
या सभागृहात अनेकांनी आपल्या तोंडावर मास्क घातलेला नाही. असा कार्यक्रम माझ्या जिल्ह्यात असता तर प्रत्येकी हजार रुपये दंड वसूल करून घेतला असता. या कार्यक्रमात बरेच नियम पाळल्या गेले नसल्याची खंत त्यांनी या वेळी व्यक्त केली. कोरोना लाट ओसरली असली तरी अजून कोरोना संपलेला नाही व तिसऱ्या लाटेची शक्यता नाकारता येत नाही. यासाठी नागरिकांनी सतर्कता बाळगून नियमाचे पालन करणे अत्यंत आवश्यक आहे. नियम पाळले तरच खऱ्या अर्थाने कोरोनाचा मुकाबला करता येणे शक्य असल्याचे शिंगणे म्हणाले.
या रोगाची दाहकता वाढल्याने संपूर्ण देश बंद करावा लागला. भविष्यात नागरिकांनी लसीकरण करून घेण्याचे आवाहनही त्यांनी केले. कोरोना काळात आशा वर्कर पुढे आल्या. त्यांचे डॉ. राजेंद्र शिंगणे यांनी आवर्जून कौतुक केले. या वेळी डॉक्टर, प्रशासकीय अधिकारी, पोलिस, आशा वर्कर व येथील वंदेमातरम आपत्कालीन पथकाच्या सदस्यांचा कोरोना योद्धा म्हणून डॉ. राजेंद्र शिंगणे यांच्या हस्ते सत्कार करण्यात आला. माजी आमदार तुकाराम बिडकर, राष्ट्रवादी काँग्रेसचे जिल्हाध्यक्ष संग्राम गावंडे, भैयासाहेब तिडके, आतिश महाजन, डॉ. आशा मिरगे इत्यादी उपस्थित होते.
महत्वाच्या बातम्या
- ‘वारकऱ्यांच्या भावनेचा आदर राखा, अन्यथा माझी वारी माझी जबाबदारी’
- ‘ठाकरे सरकारचा निर्णय दारू विक्रेत्यांसाठी’, चंद्रपूर दारूबंदी उठवण्याचा ५०० गावांकडून निषेध
- राज ठाकरेंच्या वाढदिवसानिमित्त विनापरवानगी सत्कार सोहळा, मनसे पदाधिकाऱ्यांवर गुन्हा
- ‘रावसाहेब दानवे हे आमचे चांगले मित्र, त्यांच्या विनोदी शैलीचे कौतुकच’, राऊतांची प्रतिक्रिया
- बाजारभावापेक्षा कमी किमतीतच जमीन खरेदी, राममंदिर ट्रस्टचा खुलासा
- अजित पवारांच्या आवाहनावर संभाजीराजेंची प्रतिक्रिया, म्हणाले..
