औरंगाबाद: कोव्हिडच्या महामारीमुळे सर्वच क्षेत्रांवर परिणाम होत आहे त्यातून शाळा देखील सुटल्या नाहीत. शाळेचा पहिला दिवस म्हणजे विद्यार्थ्यांचा किलबिलाट तर मोठ्या वर्गातल्या विद्यार्थ्यांची मस्ती, असा एकंदरीत शाळेचा पहिला दिवस असतो मात्र कोरोनामुळे याही वर्षी मुलांच्या शाळा मोबाईलमध्येच भरणार आहे. राज्यभरात कोरोनाच्या दुसऱ्या लाटेने चांगलाच कहर केला आहे त्यामुळे यंदा मोबाईल मध्येच ऑनलाईन पद्धतीनेच शाळा भरणार आहे. मात्र शाळेत शिक्षकांची पन्नास टक्के उपस्थिती अनिवार्य असून, विद्यार्थ्यांसाठी जरी शाळा बंद राहणार असली तरीही प्रवेश प्रक्रिया सुरू झाली आहे.
कोरोनाच्या पहिल्या लाटेत सहजपणे पुढच्या वर्गात प्रवेश मिळालेल्या प्राथमिक व माध्यमिक शाळेतील विद्यार्थ्यांना पुन्हा दुसऱ्या लाटेतही पुढच्या वर्गात प्रवेशाची संधी मिळाली. आता मंगळवारपासून (ता. १५) शैक्षणिक वर्ष सुरू झाले. दरम्यान, शाळेत शिक्षकांची पन्नास टक्के उपस्थिती अनिवार्य असून, विद्यार्थ्यांसाठी जरी शाळा बंद राहणार असली तरीही प्रवेश प्रक्रिया सुरू झाली आहे. शिक्षकांना प्रवेशासाठी आणि सर्वेसाठी विद्यार्थ्यांच्या घरापर्यंत जावे लागत आहे. शिक्षकांनी पहिल्या दिवशी घरोघरी जाऊन विद्यार्थ्यांचे प्रवेश निश्चत करून त्यांचे स्वागत केले. मधल्या काही महिन्यांचा अपवाद वगळता दीड वर्षापासून ऑनलाइन वर्ग भरत आहे.
असे असले तरी अनेकांना ऑनलाइन शिक्षणात अडथळा येत आहे. काही मुले अभ्यासाच्या नावावर मोबाइलमध्ये गेम खेळत आहेत. ऑनलाइन शिक्षणामुळे मोबाईल आणि विद्यार्थ्यांचे नाते घट्ट झाले आहे. याही वर्षी असेच चित्र राहणार आहे. दरवर्षी शाळेच्या पहिल्या दिवशी होणारा विद्यार्थ्यांच्या किलबिलाट दुसऱ्या वर्षीही ऐकायला मिळाला नाही. पहिलीच्या वर्गात प्रवेश घेण्यासाठी शिक्षक विद्यार्थ्यांच्या घरापर्यंत जात आहेत. जिल्हा परिषद असो की खाजगी शाळा येथील शिक्षकांची विद्यार्थ्यांच्या सर्वेसाठी फेरी सुरू आहे.
महत्वाच्या बातम्या
- जय श्री रामच्या घोषणा दिल्या नाहीत म्हणून नव्हे तर ‘या’ कारणासाठी झाली ‘त्या’ वृद्धाला मारहाण
- नेता म्हणून नव्हे तर कोल्हापूरचा नागरिक म्हणून मोर्चात आलोय – चंद्रकांत पाटील
- सुखद! मराठा आरक्षणासाठी बलिदान दिलेल्यांच्या घरातील तीन जणांची एसटीत नियुक्ती
- पेट्रोल, डिझेल दरवाढीविरोधात औरंगाबादेत बहुजन मुक्ती पार्टीचे ‘वाहनांना धक्का’ मारो आंदोलन!
- जीव धोक्यात घालून काम करणाऱ्या आशा सेविकांना आश्वासनाखेरीज सरकारने काहीही दिले नाही
