मुंबई : सध्या सोशल मीडियावर पंतप्रधान नरेंद्र मोदी यांचे आभार मानले जात आहेत. महाराष्ट्राला ऑक्सिजन आणि रेमडेसिवीर इंजेक्शन पुरवठा केल्या बद्दल भाजपचे पदाधिकारी या संबंधी पोस्ट करत आहेत. मात्र, यातच देवेंद्र फडणवीस यांनी केलेल्या पोस्टवर काँग्रेस नेते सचिन सावंत यांनी टीका केलीय. महाराष्ट्रात तयार होणाऱ्या ऑक्सिजनसाठी मोदी सरकारच्या परवानगीची गरज नसल्याचे सावंत यांनी म्हटले आहे.
या संदर्भात पोस्ट करत सचिन सावंत यांनी देवेंद्र फडणवीस यांना उद्देशून म्हटले की, ‘आपण जी यादी दाखवून मोदीजींना श्रेय देत आहात, त्यामध्ये महाराष्ट्रात असलेल्या प्रकल्पांचा समावेश आहे. १२५० मे.टन ही महाराष्ट्राची निर्माण क्षमता आहे. यासाठी मोदींच्या परवानगीची गरज नाही. त्याबद्दल त्यांचे आभार मानणे योग्य नाही. हा मोदी सरकारचा धूर्तपणा आहे. महाराष्ट्राची ऑक्सिजन उत्पादन क्षमता महाराष्ट्रातील प्रकल्पाद्वारे १२५० मे.टन आहे. एमव्हीए सरकारने १५ ते ३० एप्रिल या १५ दिवसांत २५००० मे. टन ऑक्सिजनची आवश्यकता व्यक्त केली होती. १७५०० मे.टन महाराष्ट्राची क्षमता होती. केंद्राला ७५०० मे.टन म्हणजे ५०० मे.टन/दिन द्यायचे होते. परंतु ३४५ मे.टन/दिन मिळत आहे. उरलेल्यासाठी वाहतूक अडचण येत आहे, कृपया खोटे बोलणे थांबवा.’
प्रिय @dev_fadnavis जी, आपण जी यादी दाखवून मोदीजींना श्रेय देत आहात, त्यामध्ये महाराष्ट्रात असलेल्या प्रकल्पांचा समावेश आहे. १२५० मे.टन ही महाराष्ट्राची निर्माण क्षमता आहे. यासाठी मोदींच्या परवानगीची गरज नाही. त्याबद्दल त्यांचे आभार मानणे योग्य नाही. हा मोदी सरकारचा धूर्तपणा आहे. https://t.co/JZZhFAk3u9
— Sachin Sawant सचिन सावंत (@sachin_inc) April 26, 2021
ऑक्सिजन आणि रेमडेसिवीर बरोबरच लस पुरवठ्यावरुनही भाजप आणि महाविकास आघाडीमधील नेत्यांमध्ये आरोप-प्रत्यारोप सुरू आहेत. यात आता रुग्णांचा ऑक्सिजन पुरवठा सुरळीत होत असल्याचे दिसत आहे. मात्र, तरी देखील नेत्यांचे आरोप प्रत्यारोपाचे सत्र सुरूच आहे.
महत्त्वाच्या बातम्या
- केंद्राने घोषणा केली ४० हजार रेमडेसिवीर इंजेक्शनची अन् दिले २६ हजारच; मंत्री शिंगणेंची माहिती
- ‘ठाकरे सरकारमधील नेते श्रेयासाठी हपापलेले, त्यामुळेच शिवसेना आणि काँग्रेसचे पित्त खवळले’
- महिलेचा छळ करणारा संजय राऊत हा विकृत माणूस, त्यांना अटक झालीच पाहिजे – निलेश राणे
- ‘रजनी सर म्हातारे होत आहेत म्हणून…’ जडेजाच्या कामगिरीनंतर धोनीचे ट्विट व्हायरल
- इशारा काय देता ? बदनामीचा खटला दाखल कराच; मुश्रीफांचे चंद्रकांत पाटलांना आव्हान
