‘रजनी सर म्हातारे होत आहेत म्हणून…’ जडेजाच्या कामगिरीनंतर धोनीचे ट्विट व्हायरल

🕒 1 min read

मुंबई : आयपीएलमध्ये रविवारी झालेल्या सामन्यात स्पर्धेत अंजिक्य असलेल्या बेंगळुरु रॉयल चॅलेजंर्स संघाला चेन्नई सुपर किंग्सच्या संघाने ६९ धावांनी नमवले आणि पराभवाची धुळ चारली. चेन्नईने दिलेल्या १९१ धावांच्या लक्ष्याचा पाठलाग करताना आरसीबी केवळ १२२ धावांपर्यंत मजल मारु शकला. रविंद्र जडेजाला त्याच्या अष्टपैलू कामगीरीमुळे सामनाविराच्या पुरस्काराने सन्मानीत करण्यात आले.

या सामन्यातील कामगीरीमुळे सर्वस्तरातुन रविंद्र जडेजाचे कौतुक होत आहे. याच पार्श्वभूमिवर चेन्नई सुपर किंग्सचा कर्णधार महेंद्रसिंह धोनीचे ८ वर्षापुर्वीचे ट्विट व्हायरल होत आहे. या ट्विटमध्ये धोनीने लिहीले आहे की, ‘रजनी सर म्हातारे होत आहेत याची देवाला जाणीव झाली आणि त्याने सर रविंद्र जडेजा यांना बनवले.’ हे ट्विट कालच्या कामगीरीनंतर व्हायरल होत आहे. हे ट्विट शेअर करत अनेक चाहत्यांनी धोनीच्या वक्तव्याला सहमती दर्शवली आहे.

God realised RAJNI sir is getting old so he created sir ravindra jadeja

— Mahendra Singh Dhoni (@msdhoni) April 9, 2013

या ट्विटमध्ये धोनीने जडेजाचा उल्लेख हा सर रविंद्र जडेजा असा केला आहे. त्यामुळे ट्रेंडमध्ये सर रविंद्र जडेजा हे आहे. जसे क्रिकेट रसिक धोनीला माही, रोहितला हिटमॅन आणि कोहलीला रणमशीन म्हणतात. आगदी त्याप्रमाणे जडेजाला ‘सर रविंद्र जडेजा’ ही उपाधी दिली आहे. आयपीएल २०२१ मध्ये अष्टपैलू जडेजा तुफान फॉर्ममध्ये असुन पहिल्या सामन्यापासूनच अष्टपैलू कामगिरीची चुणूक दाखवली आहे.

महत्वाच्या बातम्या

• जिल्हाबंदीची कडक अंमलबजावणी करा, गृहराज्यमंत्री शंभूराज देसाईंचे पोलिसांना स्पष्ट आदेश
• रेमडेसिवीर इंजेक्शन आणण्यासाठी रुग्णांच्या नातेवाईकांना सक्ती करू नका – राजेश टोपे
• वाढत्या कोरोना संकटामुळे खेळाडूंची आयपीएलमधून माघार, यावर बीसीसीआयने सांगितले…
• आरसीबी आहे सीएसकेची आवडती शिकार; सर्वाधिक वेळा पराभव करणाऱ्या ‘या’ संघाची केली बरोबरी
• ‘ठाकरे सरकारमधील नेते श्रेयासाठी हपापलेले, त्यामुळेच शिवसेना आणि काँग्रेसचे पित्त खवळले’