…यालाच म्हणतात ‘लिपस्टिक’ दौरा; नितेश राणेंचा पुन्हा एकदा प्रहार

🕒 1 min read

सिंधुदुर्ग : मुख्यमंत्री उद्धव ठाकरे तौक्ते चक्रीवादळामुळे झालेल्या नुकसानाची पाहणी करण्यासाठी कोकण दौऱ्यावर आले होते. सिंधुदुर्ग आणि रत्नागिरीला तोक्ते चक्रीवादळाचा सर्वाधिक तडाखा बसला आहे. माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांच्यासह भाजप नेते हे देखील कोकणामधील नुकसानग्रस्त भागाचा दौरा करून आढावा घेत आहेत. तर, कोकणाला मदत देण्यासाठी सत्ताधारी आणि विरोधक यांच्यात आरोप-प्रत्यारोप सुरु झाले आहेत.

तौक्ते चक्रीवादळामुळे झालेल्या नुकसानाची पाहणी करण्यासाठी कोकणात दाखल झालेल्या मुख्यमंत्री उद्धव ठाकरे यांनी पंचनामे पूर्ण होताच मदतीसंदर्भात निर्णय घेणार असल्याचं सांगितलं आहे. यावेळी त्यांनी कोणत्या निकषानुसार मदत करायची हे आढावा घेतल्यानंतर ठरवलं जाईल असं स्पष्ट केलं.

यालाच म्हणतात “lipstick” दौरा..
मुख्यमंत्री.. कुठल्याही गावाला भेट नाही..
मोजून 10 km आतच..
विमानतळावरचा आढावा..
दौरा संपला!!!
ईथे..
फडणवीसजीं चा 700kms चा झंझावात..

कोकण सब हिसाब करेगा.. याद रखना शिवसेना!!

— Nitesh Rane (@NiteshNRane) May 21, 2021

दरम्यान, उद्धव ठाकरेंच्या या दौऱ्यावर भाजप नेत्यांनी टीकास्त्र सोडलं आहे. भाजप आमदार नितेश राणे यांनी पुन्हा एकदा मुख्यमंत्र्यांचा दौरा हा ‘लिपस्टिक’ दौराअसल्याची टिप्पणी केली आहे. ‘यालाच म्हणतात “लिपस्टिक” दौरा.. मुख्यमंत्री कुठल्याही गावाला भेट नाही…मोजून 10 किमी आतच.. विमानतळावरचा आढावा.. दौरा संपला!!! ईथे.. फडणवीसजींचा 700किलोमीटरचा चा झंझावात…कोकण सब हिसाब करेगा.. याद रखना शिवसेना!!’ असा इशारा नितेश राणे यांनी दिला आहे.

महत्वाच्या बातम्या

• ‘ठाकरे सरकारने शेतकऱ्यांना दहा हजारांचे अनुदान द्यावे’, खा.हिना गावित यांची मागणी
• अक्षय कुमारच्या मदतीने मराठवाड्यात पहिली मोबाईल आरटीपीसीआर टेस्ट व्हॅन उपलब्ध
• खाकीला काळीमा! ॲट्रॉसिटीच्या गुन्ह्यात मदत करण्यासाठी डीवायएसपी खिरडकरने घेतले दोन लाख
• खतांची दरवाढ मागे; ‘केंद्राचा निर्णय शेतकऱ्यांच्या हिताचा’, प्रीतम मुंडेंकडून स्वागत
• “वैदयकीय परीक्षा रदद करणे किंवा ऑनलाईन घेणे नियमानुसार संयुक्तिक ठरत नाही”, – अमित देशमुख