कोटीच्या कोटी उड्डाणे : टॉप-५ बोलींमध्ये भारताचा केवळ एक खेळाडू

चेन्नई : आयपीएलच्या आगामी पर्वासाठी खेळाडूंचा लिलाव हा आज पार पडत आहे. या बोली प्रक्रियेआधी सर्व फ्रँचायजीने आपल्या ताफ्यातील रिलीज आणि रिटेन खेळाडूंची यादी जाहीर केली आहे. यामध्ये अनेक संघांनी मोठ्या आणि अनुभवी खेळाडूंना रिलीज केलं आहे. यामुळे इतर फ्रँचायजींमध्ये या खेळाडूंना खरेदी करण्यासाठी रस्सीखेच पाहायला मिळत आहे.

आज अनेक दिग्गज खेळाडूंचा लिलाव झाला तर काही खेळाडू ‘अनसोल्ड’ म्हणजेच विकले गेले नाहीत. विशेष बाब म्हणजे आयपीएलच्या इतिहासात सर्वात मोठी बोली आज लावली गेली. दक्षिण आफ्रिकेचा अष्टपैलू खेळाडू क्रिस मॉरिस याच्यासाठी तब्बल १६.२५ कोटी रुपयांची बोली लावण्यात आली आहे. केवळ ७५ लाख इतकी बेस प्राईज असलेल्या मॉरिस साठी १६.२५ कोटी मोजण्यात आले आहेत. आयपीएलच्या इतिहासात लिलावामध्ये सर्वात मोठी बोली लावलेली ही किंमत आहे. १६.२५ कोटी रुपये मोजत राजस्थान रॉयल्सने आपल्या ताफ्यात जमा केलं आहे.

यानंतर नंबर लागतो न्यूझीलंडच्या काईल जेमिसनचा. हा देखील अष्टपैलू खेळाडू असून त्याला आरसीबी म्हणजेच रॉयल चॅलेंजर्स बेंगलोरने १५ कोटी रुपयांमध्ये खरेदी केलं आहे. ऑस्ट्रेलियाचा धडाकेबाज खेळाडू ग्लेन मैक्सवेल याची २ कोटी इतकी बेस प्राईज होती. त्याला आपल्या संघात समाविष्ट करण्यासाठी चेन्नई सुपर किंग्ज आणि रॉयल चॅलेंजर्स बेंगलोर यांच्यात रस्सी खेच चांगलीच रंगली होती. यानंतर, तब्बल १४.२५ कोटी रुपये इतक्या किंमतीवर आरसीबीने खरेदी केलं.

From Chris Morris to K Gowtham, here are the Top 5 Buys from the @Vivo_India #IPLAuction so far. ???? pic.twitter.com/cLZn4tAjLu

— IndianPremierLeague (@IPL) February 18, 2021

ऑस्ट्रेलियन गोलंदाज झे रिचर्डसन (jhye richardson) याला पंजाब किंग्जने १४ कोटी रुपयांमध्ये खरेदी केलं आहे. आजच्या लिलावामध्ये सर्वाधिक किंमतीत बोली लावलेल्या टॉप-५ खेळाडूंमध्ये भारताच्या एकमेव खेळाडूचा समावेश आहे. हा खेळाडू म्हणजे कृष्णप्पा गौथम ! अष्टपैलू गौथमला चेन्नई सुपर किंग्जने ९.२५ कोटी मोजत आपल्या संघात समाविष्ट केलं आहे.

महत्त्वाच्या बातम्या

• ‘कसोटीगिरी’ साठी नावाजलेल्या पुजाराचं तब्बल ७ वर्षांनी आयपीएलमध्ये पुनरागमन !
• प्रीती झिंटाच्या पंजाबने ‘शाहरुख खान’ला केलं आपल्या संघात शामिल !
• ‘सरकारच्या आशीर्वादाने पोलीस पूजा चव्हाण केस दाबण्याचा प्रयत्न करत आहेत’
• ‘काँग्रेसनं संविधान सांभाळलं म्हणून चहावाला देशाचा पंतप्रधान झाला’
• ‘आता महाविकास आघाडीचं सरकार आहे, पण काँग्रेसचं सरकार आल्यानंतर वीजबिल माफ करू’