‘सरकारच्या आशीर्वादाने पोलीस पूजा चव्हाण केस दाबण्याचा प्रयत्न करत आहेत’

मुंबई : बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. ही तरूणी पुण्यात शिकण्यासाठी आलेली होती. मागील आठवड्यात पूजाने तिसऱ्या मजल्यावरून उडी मारून जीवन संपवले होते. यानंतर महाविकास आघाडीमधील वनमंत्री संजय राठोड यांच्या या मुलीशी संबंध असून काही कथित कॉल रेकॉर्डिंग्स देखील समोर आले आहेत.

यामुळे या प्रकरणाला नवे वळण मिळाले असून मंत्र्यांच्या बचावासाठी योग्य कार्यवाही केली जात नसल्याचे आरोप भाजप कडून करण्यात येत आहे. विधानसभेचे विरोधी पक्षनेते देवेंद्र फडणवीस यांनी राज्याचे पोलीस महासंचालक हेमंत नगराळे यांची भेट घेऊन योग्य कारवाई करण्यासाठी निवेदन देऊन कथित कॉल रेकॉर्डिंग्सची देखील चौकशी व्हावी अशी मागणी केली होती.

देवेंद्र फडणवीस यांनी आज आझाद मैदानातील शिक्षकांच्या आंदोलनाला भेट दिली. यावेळी त्यांनी शिक्षकांच्या मागण्यांचा निवदेन देखील देण्यात आलं. आंदोलनस्थळाला भेट दिल्यानंतर त्यांनी माध्यमांशी संवाद साधला असता पूजा चव्हाण प्रकरणी त्यांना भाष्य केलं आहे. ‘सरकारच्या आशीर्वादाने ही केस कशी दाबता येईल याचे प्रयत्न पोलीस करतायत. सगळे पुरावे समोर आहेत. यवतमाळ रुग्णालयातील पुरावा देखील समोर आलेला आहे. हे प्रकरण दाबण्याचे सगळे आदेश हे सरकारकडून आलेले आहेत,’ असा गंभीर आरोप फडणवीसांनी केला आहे.

महत्त्वाच्या बातम्या

• पंजाबातील निकालांमुळे भाजपला धक्का; अमित शहांनी घेतली तातडीची बैठक
• हे शिवभक्तांचं सरकार आहे, त्यांनी नको ती नाटकं करू नये – मंत्री सुभाष देसाई
• ‘मौत का कुआँ’ बनलेल्या ‘त्या’ विहिरीजवळ रस्त्याच्या दुसऱ्या बाजूचेही काम सुरू
• शुद्धीवर न आलेल्या महिलेची आखेर ओळख पटली; गुढ मात्र कायम
• ‘चिनीसैन्य माघार घेत असल्याचा उत्सव म्हणजे राष्ट्रीय सुरक्षेची बनवाबनवीच’