‘पुतळ्यांसाठी २० हजार कोटी आहेत, मग लसीकरणाला ३० हजार कोटी नाहीत का?’

🕒 1 min read

कोलकाता : पश्चिम बंगालच्या मुख्यमंत्री पदाची शपथ घेऊन तिसऱ्यांदा या पदावर विराजमान होणाऱ्या ममता बॅनर्जी यांनी बुधवारी राज्याची सूत्रे हाती घेताच पंतप्रधान नरेंद्र मोदी यांना पत्र पाठवून सर्वांना लवकरात लवकर मोफत लस उपलब्ध करून देण्याची विनंती केली. पण पंतप्रधान मोदी यांनी अद्याप लसीकरणाच्या मुद्दयावरील माझ्या पत्राला उत्तर दिलेलं नाही, असे ममता यांनी आज सांगितले.

ममता म्हणाल्या, ‘मोफत लसीकरणाच्या मुद्यावरून पंतप्रधान मोदींकडून मला अद्याप कोणतेही उत्तर मिळाले नाही. नवीन संसद आणि पुतळे बांधण्यासाठी २० हजार कोटी रुपये खर्च करत असताना लसीकरणासाठी ३० हजार कोटी का दिले जात नाहीत?’ असा प्रश्न त्यांनी केला आहे. ‘पीएम केयर फंड कोठे आहे? मोदी देशातील तरुणांचा जीव धोक्यात का घालत आहेत? त्यांच्या नेत्यांनी कोव्हिड हॉस्पिटलला भेट दिली पाहिजे तर ते इथे येत आहेत. ते इथे येऊन कोव्हिड पसरवत आहेत’ अशी टीका मुख्यमंत्री ममता यांनी केली आहे.

Where is the PM CARES Fund? Why are they risking the lives of young people? Their leaders should visit COVID hospitals, instead of going places. Their leaders are coming and spreading COVID: West Bengal CM Mamata Banerjee

— ANI (@ANI) May 6, 2021

पत्रात काय म्हटले होते?
ममतांनी आपल्या पत्रात राज्यात ऑक्सिजन सिलिंडरच्या कमतरतेचा मुद्दा उपस्थित करत विद्यमान यंत्रणा अधिक बळकट करण्याची गरज व्यक्त केली. कोरोना महामारीचे गांभीर्य पाहता वेगाने लसीकरण करण्याची गरज आहे. यासाठी केंद्र सरकारने सर्वांना मोफत लस उपलब्ध करून द्यायला हवी. लसीकरणाच मुद्दा पारदर्शक पद्धतीने हाताळायला हवा, असे ममता म्हणाल्या. लसीचा तुटवडा असल्याने १८ ते ४५ वयोगटातील लोकांचे लसीकरण शक्य नसल्याचे त्यांनी पत्रात नमूद केले.

महत्वाच्या बातम्या

• ‘ग्रामीण भागात कोविड सेंटरचे दर जास्त’, आरोग्यमंत्री टोपेंना मेहबूब शेख यांचा घरचा आहेर
• बंगाल हिंसाचाराचा निषेध अंगलट, बीडमध्ये प्रवीण दरेकरांवर गुन्हा
• ‘बंगालमध्ये सर्वांना तत्काळ मोफत लस द्या’, ममतांचे पंतप्रधान मोदींना पत्र
• ‘पश्चिम बंगालमध्ये अराजकता, राष्ट्रपती राजवट लागू करा’, गिरीश महाजनांची मागणी
• धक्कादायक! पश्चिम बंगालमध्ये ममता समर्थकांकडून केंद्रीय मंत्र्यांच्या गाडीवर हल्ला